Versets bíblics populars de ယောဟန် 10

Comparteix

သူခိုးသည် ခိုးယူ၊ သတ်ဖြတ်၊ ဖျက်ဆီးဖို့ရန်သာ လာတတ်၏။ ငါသည်ကား သိုးတို့အား အသက်ကို ရရှိစေရန်သာမက ထိုအသက်ကို ပြည့်ဝစွာရရှိစေရန်လာ၏။

ငါသည် ကောင်းသောသိုးထိန်းဖြစ်၏။ ကောင်းသောသိုးထိန်းသည် သိုးတို့အဖို့ငှာ မိမိအသက်ကိုပင် စွန့်တတ်၏။

ငါ့သိုးတို့သည် ငါ့အသံကို နားထောင်ကြ၏။ ငါသည်လည်း သူတို့ကိုသိ၍ သူတို့သည် ငါ့နောက်သို့လိုက်ကြ၏။

ငါသည် သူတို့အား နိစ္စထာဝရအသက်ကို ပေး၍ သူတို့သည် ဘယ်သောအခါမျှ မပျက်စီးရ။ မည်သူမျှ သူတို့ကို ငါ့ထံမှ လုယူ၍မရနိုင်။

ငါသည် တံခါးပေါက်​ဖြစ်​၏။ မည်သူမဆို ငါ့အားဖြင့်ဝင်လျှင် ကယ်တင်ခြင်းရလိမ့်မည်။ ထိုသူသည် တံခါးပေါက်မှဝင်ထွက်ကာ ကျက်စားရာကိုတွေ့ရလိမ့်မည်။

ငါသည် ကောင်းသောသိုးထိန်းဖြစ်၏။ ငါသည် ငါ့သိုးတို့ကို သိ၍ ငါ့သိုးတို့သည်လည်း ငါ့ကို သိကြ၏။

သူတို့အား ငါ့ထံသို့ ပေးအပ်တော်မူသည့် ငါ၏ဖခမည်းတော်သည် ခပ်သိမ်းသောသူတို့ထက် ကြီးမြတ်တော်မူသည်ဖြစ်၍ မည်သူမျှ သူတို့ကို ဖခမည်းတော်၏လက်တော်မှ မလုယူနိုင်။ ငါနှင့် ခမည်းတော်သည် တစ်လုံးတစ်ဝတည်းဖြစ်၏” ဟုပြန်လည်မိန့်တော်မူ၏။

ထိုသို့ပင် ငါ၏ဖခမည်းတော်သည် ငါ့ကိုသိတော်မူသကဲ့သို့ ငါသည်လည်း ငါ၏ဖခမည်းတော်ကို သိ၏။ ထို့ပြင် ငါသည် ငါ၏သိုးတို့အတွက် မိမိအသက်ကိုပင် စွန့်၏။

မည်သူကမျှ ငါ့အသက်အား ငါ့ထံမှနှုတ်ယူသည်မဟုတ်။ ငါ့ဆန္ဒအလျောက် ငါ့အသက်ကို ငါစွန့်၏။ ငါ၌ မိမိအသက်ကို စွန့်ပိုင်ခွင့်ရှိ၍ ၎င်းကို ပြန်လည်ရယူပိုင်ခွင့်ရှိ၏။ ဤသည်မှာ ငါ၏ဖခမည်းတော်ထံမှရရှိသော အမိန့်တော်ဖြစ်၏” ဟု မိန့်တော်မူ၏။

ထို့ကြောင့် တဖန် ကိုယ်တော်ယေရှုသည် “သင်တို့အား ငါအမှန်ဆိုသည်ကား ငါသည် သိုးတို့ဝင်သောတံခါးပေါက်ဖြစ်၏။

သိုးထိန်းမဟုတ်၊ သိုးတို့၏ပိုင်ရှင်လည်းမဟုတ်သော လူငှားမူကား ဝံပုလွေလာသည်ကိုမြင်လျှင် သိုးတို့ကို ပစ်ထားကာ ထွက်ပြေးတတ်၏။ ထိုအခါ ဝံပုလွေသည် သိုးတို့ကို တိုက်ခိုက်သဖြင့် သိုးများတစ်ကွဲတစ်ပြားဖြစ်စေ၏။

ထို့နောက် ကိုယ်တော်ယေရှုသည် “သင်တို့အား ငါအမှန်ဆိုသည်ကား သိုးခြံထဲသို့ တံခါးပေါက်မှမဝင်ဘဲ အခြားနည်းဖြင့် ကျော်ဝင်သောသူသည် သူခိုး၊ ဓားပြဖြစ်၏။