နောက်ဆုံးသောနေ့ရက်များ၌ အလွန်ခက်ခဲသောအချိန် ကျရောက်လိမ့်မည်ဖြစ်ကြောင်း သိမှတ်လော့။ အကြောင်းမူကား လူတို့သည် ကိုယ့်ကိုယ်ကိုယ်ချစ်သောသူ၊ ငွေမက်သူ၊ ကြွားဝါတတ်သူ၊ မာနထောင်လွှားသူ၊ စော်ကားပြောဆိုသူ၊ မိဘစကားနားမထောင်သူ၊ ကျေးဇူးမသိသူ၊ မြင့်မြတ်ခြင်းမရှိသောသူ၊ ချစ်ခြင်းမေတ္တာမရှိသောသူ၊ ခွင့်မလွှတ်တတ်သောသူ၊ ကုန်းချောစကားပြောသူ၊ မိမိကိုယ်ကို မချုပ်တည်းနိုင်သောသူ၊ ရက်စက်ကြမ်းကြုတ်သူ၊ ကောင်းမှုကို မနှစ်သက်သောသူ၊ သစ္စာဖောက်သူ၊ ဆင်ခြင်တုံတရားကင်းမဲ့သူ၊ မာနကြီးသောသူ၊ ဘုရားရှင်ကို နှစ်သက်ခြင်းထက် ကာမဂုဏ်ခံစားမှုကို ပို၍နှစ်သက်သူ၊ ဘုရားတရား ကိုင်းရှိုင်းယောင်ဆောင်၍ ထိုဘုရားတရားကိုင်းရှိုင်းခြင်း၏တန်ခိုးတော်ကို ငြင်းပယ်သူများဖြစ်လာကြလိမ့်မည်။ ထိုသူတို့ကို ရှောင်ရှားလော့။