Versets bíblics populars de MATIUS 12

Comparteix

Mingka Nakke appau mange ri kaui: Sikuanna pau tide' injo matu-matunna nulapau tau injo parallu ritanggongjawaki ri allo pangadelang. Saba' assituru' paumu kau ripa'naba, na assituru' todo' paumu kau larihukkung.”

Oe kau pinangka' saa moso, anteekamua kau akkulle appau passala nubaji', na kau to'jua daa? Saba' nulapau inni baba ansulu'i battu ri ati.

Tau baji' inni appasulu'i passala nubaji' battu panaroang baji'na na tau daa intu sipa'na appasulu'i passala nudaa battu ripanaroang daana.

Injomo saba'na, Nakke appau mange ri kaui: Sikuanna kadorakaang na pattadea mange ri Nyaha Tangkasa gele akkulle ri ampungi.

Ampa se're poong kaju murapang baji', injo baji' todo'i buana; ampa se're poong kaju murapang daa, injo daa todo'i buana. Saba' battu ri buana poong kaju inni ri isse'.