Versets bíblics populars de PAU-PAUWANNA SIKONJO SURO-SURO 5

Comparteix

Mingka appihali Petrus na suro-suro injo, ”Paralluki la'bi ngalleangang mange ri Allataala kalamange ri rupatau.

Allo-alloi tulusu ngajara ri Sapo Allataala surang ri sapo pammarianna na lapappauwangi Injili passala'na Isa iamo intu Almase.

Mingka appaui Petrus, ”Ananias, ngura Ibilisi lakahasai atimu, jari mubura-burai Nyaha Tangkasa injo rimusa'buna sidahuang battu riballi tanamu? Rigelenapa maeng mubalukang tana injo, gelejua kau ampunna, na sungka'i maeng mubalukang, gelejua ballinna injo tulusu rie'i lalang ri kahasamu? Ngura munaha-nahai panggeokang injo lalang ri atimu? Kau gele rupatau jua mubura-burai, mingka Allataala mubura-burai.” Rihattu lalangngere'na pau injo anra'bai Ananias na matei. Sikuanna tau allangngere ripassala injo sanna' malla'nai.

Injomo saba'na nakke appau mange ri kaui: Akomo appanggeokangi mange ri suro-suro inni. Lappasangimu, saba' ampa naha-nahanna surang panggeokanna nubattu jua ri rupatau, tantu latide'na, mingka ampa assala'na nubattu ri Allataala, gele akkulle mupakatidekki tau inni; sikalinna ampa nutoje' a'nassamu kaui Allataala mubaliangi.” Pappiu'rangi injo latarima ngase'i.