Versets bíblics populars de PAU-PAUWANNA SIKONJO SURO-SURO 14

Comparteix

”Oe kau ngase', ngura appakonjo panggeokammui? Kambe inni tau samara to'juakang assimpole kaui. Kambe rie' ri inni laappala'bang Injili mange ri kau, solanna mubokoi ngase'i sikonjo panggeokang tide' inni matu-matunna na a'gilingko mange ri Allataala attallasa injo, Tumaeng injo appaa'jari langi' surang lino, tamparang na sikonjo assinna.

Ia lapilangngeri Paulus a'bisara. Paulus latangarai tau injo na lajanjangi ma'nassana ia tappa'i na akkulle ripakagassing. Maeng injo appaui Paulus lalang risa'ra bakka', ”Ammenteng ka'jangko!” A'lumpa'mu tau injo ammenteng, jari pakaramulamu a'lingka mange-mange.

Risikonjo jamaah, suro-suro injomo anjo'jo' tutoa-toa jamaah na sungka'i maeng ngera dowaang na appuasai, lapassareangimu tutoa-toa injo ri Karaeng tumange ri Ia jua lakatappaki.