Versets bíblics populars de HECHOS 7

Comparteix

Nok jeꞌ reꞌ cꞌahchiꞌ caꞌnam, reꞌ Te̱wan jeꞌ wili pꞌuht rikꞌorom johtok reh Jesus pa riti̱j: «Hat Jesus, hat Lokꞌ laj Ajabe̱s china̱ chiꞌnchel, cꞌulu̱j ta nak cho wuxlabal awu̱cꞌ, nqui johtok reh. Nok rikꞌorom chic reꞌreꞌ, reꞌ Te̱wan chi xuclic jok wach acꞌal, cow xikꞌor johtok pa riti̱j chi jeꞌ wili: «K-Aja̱w Jesus, chacuy cho quimahc take winak wili ru̱cꞌ i cꞌahchiꞌ caꞌnam wi̱n, nqui xikꞌor johtok. Nok rikꞌorom aj chic reꞌreꞌ, xquimic i Te̱wan.

“Reꞌ jenoꞌ kꞌatal kꞌoric wi kꞌe̱ꞌ nimal wach rajawric, ra̱j rikꞌorom chi kꞌe̱ꞌ woꞌ chic nimal wach i ripa̱t ntikꞌinjic, majeꞌ? Jeꞌ woꞌ reꞌ wu̱cꞌ i hin, xa reꞌ laꞌ wi jeꞌ ta nak reꞌ nbanaric wu̱cꞌ i hin, nicꞌ aj woꞌ nak chic nahtil na̱ i pa̱t naritikꞌinjic wi̱n? Jeꞌ reꞌ nikꞌor maj reꞌ hin kꞌe̱ꞌ rinimal wach wajawric wilic chi kꞌatal kꞌoric, reꞌreꞌ ncꞌutunic chi jeꞌ reꞌ ayuꞌ pan taxa̱j jeꞌ woꞌ chi ar wach acꞌal

Reꞌ take nahsil reꞌreꞌ ruꞌum chi maꞌ nca̱j ta chic quibiram chaj bih rikꞌor i Te̱wan, pꞌuht quitzꞌapam quixiquin eh chi xa chiꞌkꞌor chic ncaꞌn, xa junojic chic take china̱ Te̱wan chi ricansjic chiri̱j lok i tinamit. Ar ajic nok wilque̱b chic chiri̱j lok i tinamit, reꞌ take winak cojo̱j take chi ritzꞌakaric wach rimahc i Te̱wan, xipahbabjic cuꞌum nahsil reh chi naquicansam i Te̱wan eh chi jeꞌ reꞌ xquesaj lok i quijuc ro̱k tzꞌih roxlo̱cꞌ lok quisoꞌ, reh chi suk cutuj abaj encaꞌn chi ricansjic i Te̱wan. Jeꞌ reꞌ kꞌuruꞌ naxquituba̱ꞌ take suꞌt reꞌreꞌ chiwach i jenaj qꞌuijol Sa̱wlo ribihnal reꞌ narichaꞌjanic reh, pꞌuht quicansam i Te̱wan chi abaj.