Versets bíblics populars de Hebreo 1

Comparteix

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide. Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Sakay kinagi na pa, “Tu sapul ay hiko Panginoon u nanglalang tu mundu, sakay gimet nu kamát mo u langet. Iye hide ay mawan, Magin háppot hide a atanan a konna tu damit, pero hiko ay awan mamawan.