Versets bíblics populars de Ya-Sfadoci Mrkv 10

Comparteix

Xvga inv u Qihfvli ilani nahfrpi biawv mvtv wvhsi mesvmv-waci, wvhsi mesvmrgaci wakv, macimi wvhsi meli-waci u ta lanvwawewa maci udwanikvni ini.

Jesise u mamaginrpv-mvhi, Welvwv ilaneki mvtv-yaci-wvtwi ini, wakv welv Mvnatu mvtv : xvga welv Mvnatu jrivhki wiahi dapi-wvtwi, iwv.

Macimi Jesise Wapfalu ya-hrivni; gi dapwahsawa gi mahci mafafi-haku, u talrli. Macimi inv walanv utfaku u tapinvmowa, macimi u nakvla-goli ya-hrci.

Goqa-nahi waciganvhi Mvnatu mviahci tvkudoci, tagi welrni ilani wih puskunv.

U ta Irpvmrli Jesise macimi ut vhqala-mrli, Nakuti wiahi gi notqelafi : ’n’hrlu, myagilu goqa-nahi-grci gi bonv, chena meli inv gitamrfv, macimi gah bonv pvwawa betiga wafapvh-kvmigigi : macimi birlu, nakv-silu, u talrli.

Chena ud rpvftv-wrli Jesise, Nahiwa gi tasi taha wi ipanvlalv nelv? utalrli. Lapunrye, wvhsi manvwvhi nelv utfakuiv ni tapinvmowa, u talrli inv ga-gabeqatv ilani.

Pvyaqv mvtv ini inwi alagenv gelvwv : wakv goqa-nafv-grci wih wesv mselafi alagenv gelvwv, ga hu mesvmrgami-pwv

Tapilo gi tala-pwv nelv, Goqa-nafv-grei mvtv u tvhsi utvhpanv ini ugimrwi-drmkumi Mvnatu brsi cvgi vpaluhfafv, mvtv ivh wiahisi becfa ’n’tvsi, u talvhi.

Pvyaqv maci na-nhihdr-wicki wa hudrnrgi-weki; macimi nihki udrnrgi nhihtv.

Wakv ina vlamvh-kvmikvtwi ini waskvh-kvhmigigi uci, Ilani macimi iqawv u tasi mac-hvhi inv. Xvga yomv uci ilani wah nvkvlrli u fvli macimi u gali, chena wah si ryec-sinwv wewvli; macimi nihki neswi wah nakude-yrli wivufi : waci-ganvhi nihki mvtv gidani neswi, nakuti wivufi wakv.