Versets bíblics populars de Ya-Sfadoci Mafiyo 28

Comparteix

Nhrkuna gelvwv waciganvhi, macimi inv uci ushahku kvgahgimr-fvki jrivhki inv u tfwalowanv lanvwa, pami fvfvhqi-ulal-hahku ini u wefowa-nagi inv Ufimv chena inv Uqih-fimv chena Ufapi Ucvjrlvhqv : pami kvgahgi-mahku nihki wvhsi giginvmu-wrci jrivhki wiahi goqa-nahi-grci gi tapima-lapwv : macimi sci, nelv weci gelvwv mosvtvwi, weginrqi brlu’ hini jaiaqvh-kvmigiga ini ya-lakuqvh-kvmigigi.

Chena Jesise utfvhi nihi macimi u kvlo-lvhi, Jrivhgi simakufewa ni mahci mela-gopi betiga wafapvh-kvmigigi macimi usgi-drmqa.

Chena inv ancvli rpvfsa, Tagi grwilv-waku; xvga ni wrkutv yasi Jesise nvtuna-whaqa, inv mviahci rsitafho-futv. Mvtv-lrqv inv utvsi; xvga unskv inv, datapilvhi ya-iuci. Birku, wrpvtv-muku ini tvh saxigi inv Dabalamiwatv.

Huwa Jesise, Tagi grwilv-waku : nhrkuna wetvmv-wahku ni janinrki wvhsi nihki Galalegi hrwrci, macimi ’n’tvsi nah nvu-goki u talvhi nihi.

Chena nihki iah mah’ tvbemr-wrci nihi gigi-lanihi, macimi mahci tapuwaki, u melr-wvhi nihki nihi svmrkvnhi maci laghi muni, U kvgahgimrfhi biahi tapahgi, macimi u gemi walr-wrli nili ia-haiahi nabr-yrga nelvwa, iuku. Macimi qahqi yomv u tvwvgrgi bia-yrlita inv kvpanvli, nelvwa nah kulapgr-mrpa inv, gah pvgfana-lapa patfvgi-tahawa, isiwaki. Waciganvhi nihki u tvhpanr-nrwv ini muni, macimi nihki yasi kvgahgimofu-wrci si Ivweki : chena yomv iyowa lfwa-nota malsga alagenv nihki Josvki, macimi ivskv ini ya-lfa-yrgi brlu’ hinugi grsagigi.