Versets bíblics populars de Ya-Sfadoci Loku 8

Comparteix

Chena ini ini uwasi-vsisgegi, iuhgoni ya-laficki brsi dapvsvwigi macimi uwasi-tahawa-nagi u pami machi nodr-nrwv ini kvlvwewa, ud ryetvtanr-nrwv ini, macimi u biado-nrwv mvwifowa weci besi-tahawa.

Chena ini alagenv nihi gr-wihi yasi panfagi, iuhgoni nihki mviahci nodrgacki, macimi yala lfawrci yahr-wrci u gihgi-tuna-sgrku-nr-wv utvmafewanv chena pvwawanv chena wejagi-lvwewanv yomv lanvwawewa uci, macimi mvtv u tah biado-nr-wv mvwifowa mafafewa-nagi.

Chena nala usgici nili sekunvli nihgeni nihki, iah mahci nodrga-wrci, utvhpanr-nrwv ini kvlvwewa weci uwasi-labwrwa; macimi iuhgoni mvtv u bonr-nrwv ujapkvhvtwi, nihki mr-lrqvsi dapwahsaki, macimi kulr lrqv myrsi-vshadewa-nagi via rgicfaki.

Macimi Drniwa ki dapwahsawa-nwv? u talvhi. Chena dawvhi grwilvwaki nihki qvqahdrni-tahaki, Nafvwa uwa yrmv, yasi tabrtvgi weginrqi nili mah-sigikvki macimi ini napi chena u malunahdr-kunv nili? pami ideki nihki.

Chena nalana ini pvkvckvnv nihgeni nihki mviahci nodrgacki; hina uwa biawv inv mvci-mvnatu, macimi u mvma ini kvlvwewa u tahi-wrgi uci, wvhsi nihki manvwvh’ bur da-pwahsa-wrci macimi wrpvnsi-wrci.

Xvga mvtv wiahi gigidota, wah bur ini tapinrqi-fanwi; walr mvtv wiahi gir-ciwi, wah bur ini pami wrkudota macimi wvivhfayrgi si biaiv.

Chena inv iqawv iah namagi yasi bur gigifuci, biawv pami pvpvwaskv, macimi pami svhgigi sfa ya-lvhfv-melici nili muhgrcimu ini ya-lvhfv-melici nihi jrivhki lanvwahi ini waci pahsanrci nili, macimi yasi walanv gegahofuci. Macimi, Udrn-fimv, gi dapwahsawa gi mahci mafafi-haku; nhrla grmrnelafewa-nagi, u talrli nili.

Chena nihki u bialutvwr-wrli nili, macimi ut vmvchr-wrli, Mas tala, mastala, kit iqenvmipa cahi, isiwaki. Macimi inv vmvmu, chena u kutatv ini mahsigikvgi macimi ini bami gidawvfah-grgi ini napi : macimi nvgaskv nili, chena msi grmahkvwvnwi ’n’tvsi.