Versets bíblics populars de Ya-Sfadoci Loku 6

Comparteix

meli-waku, maci-mi gah melagopwv ini; uwasi tapvcikv, fvfvgiginota, mrwvtwi nrnomanota, rmrmfanwi, gah si melaku-wrki nihki ki pvla-wrgi. Xvga goqa-nahi si tapvcikv gah tapvci-gapwv ini nuhgi gah tapvci-grla-gopwv.

Hinv uwasi ilani ini u tahi uci uwasi pvwawa uci biatu ini wa-uwasrgi; macimi inv mvjelanih-fafv ini mvci pvwawa uci biatu ma-jrfigi : xvga ini yrmfagi ini u tahi uci kvlvweiv u doni.

Pvyaqv vhqala-mahku ki mvda-ladewa-nwrki, macimi uwas-panv-lahku, chena vuhiwaku, tagi lrqv pami qelvh’ si tahaku; macimi wa-msrwi ki taphufewa-nwv, chena ga hu qihfina-kuwv inv Gci Mospi : xvga uwasi-taha inv nihi wvyaci buryr niyrwa ilafilici macimi ma-jelafilici.

Uqrwafiku gitaminrqa-ladewa, datapilvhi yasi k’ Uhfw uqrwafici gitaminrqa-ladewa.

Chena tagi wiahi-lalamiwaku, macimi mvtv wiahi ga hilalama-gopwv : chena tagi mvtvh-kuwr-siwaku, macimi mvtv gah mvtvh-kuwrla-gopwv : pvgfani-waku, macimi gah pvgfana-gopwv

Pvyaqv gi talapwv nelv gelvwv na-nodrga-yaqa, Hvhqa-lamahku ki mvdaladewa-nwrki, huwas-panv-lahku nihki sa-sega-lamal-wrqa, gisrda-lamahku nihki ma-mvci-kvlolal-wrqa, mvm-rtumv-wahku nihki ma-muivlawi ludol-wrqa.

Chena yasi taha-yaqa wi ipanvlal-wrqa ilaneki, nahfrpi gelvwv ivskv-ini ipanvlahku nihki.

Hinv wiyafv ba-pgitahuhkv ini gi mvyrwi nuwrgi nahfrpi meli ini vsuwa kutvgi; chena inv ma-mvmvwahkv gi pihtvwi-betanikv tagi inv vhqalatv-mvwi ini gi godemi nahfrpi. Meli jrgi wiyafv na-tutvmv-wahkv; macimi inv ma-mvmv-wahkv gi wiahemi tagi nili nvtutv-mvwi nuhgi.

Xvga mvtv-lrqv uwasi mtaqi waci negigi wivgrci mvwifowa; walr nuhgi wivgrci mtaqi waci negigi uwasi mvwifowa.

Xvga jrgi mtaqi nahvlwrkv u mvwifowa uci wrkudota. Xvga ilaneki mvtv gr-wihi si mvwifoki gicimi, walr mvtv pasipahdami meni-grwisahi si mvwifoki nihki.