Versets bíblics populars de Ya-Sfadoci Loku 14

Comparteix

Qahqi wiyafv ilani bialutvwita, macimi mvtv u segalamrli nahvhvrkv u fvli chena u gali, chena wewvli, chena ut vpaluhfamhi, chena u janinvhi, chena u tiqamhi, hvnkv, macimi nahvlwrkv u ta lanvwawewa nahfrpi, mvtv-yaciwi inv nitv hu kvgahgimrfimi.

Goqa-nafv-grci mvtv upvh nema nahvlwrkv ud rsitahfagemi, macimi ni biaci nakvlaqv, mvtv-yaciwi nitv hu kvgahgimrfimi.

Xvga jrgi wiyafv ma-mosba-lamaqidotv weiv wah nvnvhbrci-maqhofu; macimi inv na-nvnvhbrci-maqdotv weiv wah mosba-lamaqhofu.

Yone yagi waciganvhi inv goqa-nafv-grci vpiwv gelvwv buryr pvgida-latvkv jrivhgi ini ba-bonvgi, mvtv-yaciwi inv nitv hu kvgahgimr-fimi.

Xvga drnvwa inv gelvwv, bami mrtvwi upvta-nvgi tvwada-wikv, mvtv nhihtv iv lamvtvpiwv macimi ut vgitv ini ya-lalamakugi, qahqituga u bonv wv huci macdoci ini? Belaba nayola ina mahtvh-gahfadota vhpvnvh-gahfacikv, macimi ud rlwi mahci-lutv, jrivhki ya-lrpvcigacki ut vlami wrpvlalamr-wrli nili, Yrmv lani vlami upvtaniga, macimi ud rlwi mahci-lutv, iwvki.

Wakv ina gelv usdo-ivna wihfancigawa vlani inv gitamrfv, inv ma-myrlvkvtuwitv, inv mvmyrlvgigrtv, inv gagabeqatv : macimi gah gisrda-lamakufi gelv; xvga nihki mvtv u bonr-nrwv wvhuci jajasi patagfatvwahgi gelv : xvga gah patagfadr-gopi gelv ina ini ud rpafewi-unsgrwa-nagi inv da-pvsvwelafitv.

Napipami waciganvhi uwasv : pvyaqv qahqi weginrqi ini napipami vsaga ya-puqvgi, drniwa wa huci ini ipuqvnwih-dota? Mvtv ini vsisgegi si uwasv ini mvtv nuhgi ini yr-qvdagi-mowi : ilaneki u pvgidr-nrwv ini. Hinv ba-bonvkv u tvwvgrwvli wvhsi nodrgaci, welrni inv nodrgata.