Versets bíblics populars de Eks 10

Comparteix

INkosi yasisithi kuMose: Yana kuFaro, ngoba ngiyenze yaba lukhuni inhliziyo yakhe lezinhliziyo zezinceku zakhe ukuze ngibonakalise lezizibonakaliso zami phambi kwabo, lokuba utshele indodana yakho lendodana yendodana yakho izinto ezihlekisayo engizenze phezu kwamaGibithe lezibonakaliso engizenze phakathi kwawo, ukuze lazi ukuthi ngiyiNkosi.

INkosi yasisithi kuMose: Phakamisela isandla sakho phezulu ukuba kube khona umnyama elizweni laseGibithe, umnyama ongaphuntshuthwa ngesandla. UMose wasephakamisela isandla sakhe phezulu; kwaba khona umnyama omkhulu elizweni lonke laseGibithe insuku ezintathu. Bahluleka ukubonana, futhi kakusukanga muntu endaweni yakhe insuku zaze zabantathu; kodwa emizini yabakoIsrayeli kwakukhona ukukhanya.

UMose wayiphakamisa intonga yakhe phezu kwelizwe laseGibithe; iNkosi yaletha umoya wasempumalanga elizweni kulo lonke lolosuku lakubo bonke lobobusuku; kwathi sekusile, umoya wasempumalanga waletha isikhongwane. Isikhongwane safika elizweni lonke laseGibithe, sahlala endaweni zonke zaseGibithe, sasinengi kakhulu. Kwakungazanga kube khona isikhongwane esingangaso ngaphambi kwaso, futhi kakuyikuba khona esingangaso emva kwaso.