Versets bíblics populars de ከሳ 7

Comparteix

ሄዋፐ ጉይያን መና ጎዳይ ሙሳ፥ “በአ፤ ታን ኔና ግብጼ ካትያዉ ጾሳ ማላ ኦድ፤ ነ እሻይ አሮነ ነ ናብያዳን ግዳናዋ፤

ሽን ታን ካትያ ዎዛና ልሳና፤ ታን ግብጼ ጋድያን ታ ጮራ ማላታነ ማላልስያባ ዳርሳደ ኦንቶካ፥ እ ህንተንቱ ኦድያዋ ስሰና። ሄ ዎደ ታን ታ ኩሽያ ግብጼቱዋ ቦላ ደንና፤ ታን ታ ጩጉዋ፥ ታ አሳ እስራኤልያ፥ ግብጼ አሳ ቦላን ዎልቃማ ፕርዳ አሃደ ከሳና።

ሄዋፐ ጉይያን ግብጼቱ፥ ታን ታ ኩሽያ ግብጼ ቦላ ደንደ፥ እስራኤላቱዋ ኡንቱንቱ ግዶፐ ከሴዳ ዎደ፥ ታን መና ጎዳ ግድያዋ ኡንቱንቱ ኤራናዋንታ” ያጌዳ።

ሄዋፐ ጉይያን ካቲ ኤራንቻቱዋነ ብትያዋንታ ጼስስና ኡንቱንቱካ፥ ሀ ግብጼቱዋ ሻሬቾቱ ባረንቱ ማሹዋን ሄዋዳን ኦድኖ። ኡንቱንቱ ኡባይካ ባረንቱ ጻምኣ ጻምኣ ኦልና፥ ጻምአቱ ሾሻ ከሴድኖ፤ ሽን አሮና ጻምአይ ኡንቱንቱ ጻምአቱዋ ምቴዳ።

መና ጎዳይ፥ ታን መና ጎዳ ግድያዋ ኔን ሀዋን ኤራና። ታን ናይለ ሻፋ ሃ ታ ኩሽያን ደእያ ጻምአን ሾጭና ሃይ ሱዉ ላመታናዋ።

“ካቲ ህንተንታ፥ ‘ጾሳይ ኦያ ማላታ ታና በስተ’ ግያ ዎደ፥ ኔን አሮና፥ ‘ነ ጻምኣ አካደ፥ ካትያ ስንን ኦላ’ ያጋ፤ ያቶፐ እ ሾሻ ከሳና” ያጌዳ። ሙሴነ አሮነ ካትያኮ ገሊደ መና ጎዳይ ኡንቱንታ አዛዜዳዋዳን ኦድኖ፤ አሮነ ባረ ጻምኣ ካትያ ስንንነ አ ኦሳንቻቱዋ ስንን ኦልና ሾሻ ከሴዳ።