Versets bíblics populars de ኪታ 5

Comparteix

ጰጽሮስነ የሱስ ኪቴዳ ሀራንቱ ዛሪደ ያጌድኖ፤ “ኑን አሳዉ አዛዘታናፐ ጾሳዉ አዛዘታናዉ በሴ።

ኡንቱንቱ ኡባ ጋላስ ጌሻ ጎልያንነ አሳ ሶይን የሱስ፥ ክርስቶሳ ግዴዳዋ ታማርስያዋነ ኦድያዋ ያ ጉጄድኖ።

ሽን ጰጽሮስ ሀናንያ፥ “ኔን ጌሻ አያና ጭማደ ነ ጋድያ ዛልኤዳ ሚሻፐ ሻካ አሻና ማላ፥ ጻላሂ ነ ዎዛናን አያዉ ገሌዴ? ኔን ዛልአናፐ ካሰ ጋዲ ነዋ ግደኔ? ቃይ ኔን ዛልአ ስምናካ ሚሻይ ኔሳ ግደኔ? ያትና፥ ሀዋ ማላባ ኦናዉ አያዉ ነ ዎዛናን ቆፓዲ? ኔን ጾሳዉ ዎርዶቶዋፐ አትን፥ አሳዉ ዎርዶታበይካ” ያጌዳ። ሀናኒ ሄ ቃላ ስሴዳ ኤለካ ኩንዲደ ሀይቂ አጌዳ፤ ሄዋ ስሴዳ ኡባይ ዳሮ ያዬዳ።

“ሀእካ ታን ህንተንቶ ኦዳይ፤ ሀ አሳቱዋፐ ሻከትተ፤ ኡንቱንታ ቦቾፕተ። አያዉ ጎፐ፥ ሀ ቆፋይነ ሀ ኦሱ አሳይ ኦዳዋ ግዶፐ ያና። ሽን ሀ ቆፋይነ ሀ ኦሱ ጾሳፐ ዬዳዋ ግዶፐ፥ ህንተ ኡንቱንታ ይሳናዉ ዳንዳይክታ፤ ኦን ኤር ሀዋ ሀኒደ ጾሳና ህንተ ኢተተናዳን” ያጌዳ።