Versets bíblics populars de Roma 12

Comparteix

Arohboh ikan ngumba cara bolum kawan dulun bokon nyan dunia tuh. Tapi olu Mohotara mongubah cara pikiran me jarin baa. Ma sanioh, ikan hegah monau ome co tongonyere Mohotara, iyohonon ome co pio, ome co ngonyorih Are, hintang ome co somporaka.

Tului kokon iyoh, Kawan konduang, akuh nyawot asi lau ma ikan: Awi Mohotara porahan kopomasi ma ikan, maka ikan sobulih nyarah arop me ma Mohotara soolah-olah kobolum me kurban indai-Eh. Ikan sobulih bolum ma cara co borasih ingkan dosa hintang ngonyorih Are. Iyohboh cara co buah ika nyembah Are.

Jorih jerah boh awi ikan yakin boharap ma Tuhan. Ikan sobulih botahan nohimo kosusah hintang horoholuh bodoa.

Amun ikan umpi aang co jahat tului dulun umpi kojahat ma ikan, borati kuasa jahat ngalah ikan. Aroh sanioh, kawan konduang! Ikan sobulih umpi aang co pio ika ngalah kuasa jahat.

Ikan sobulih hopomasi sobagai ico koluarga hintang hotosoun ponah mihi hormat.

Kokon ikan sobulih bujur-bujur hopasi dongam. Arohboh bopura-pura leh. Ikan sobulih ngodolee co jahat hintang nguanleh co pio.

Soboraoi mungkin, amun iyoh bogantung ma iko, bolum akur boh ma kokon dulun.

Kawan konduang co tongasih kuh! Aroh ikan leh maleh dendam. Tapi olu Mohotara co mohukum kawan dulun bokon. Awi, oko co tonulih ponah Surat Borasih: “Tuhan mantun, ‘Baya Akuh leh co bohak maleh. Akuh angar mohukum iroh!’ ”

Arohboh mongkan tapi oluboh roh mu bosomangat bogawi molayani Tuhan.

Akuh jarin rasul awi Mohotara porahan koboraoi-Eh ma akuh. Jadi, akuh mantun otuh ma kokom me: Arohboh ikan mangap arop me meleh penting hangki co sopantas eh. Tapi, ikan sobulih monilai arop me ma korandah atoi. Mohotara mihi komampuan husus indam me hopomasing awi ikan porocaya ma Yesus.

Amun oko kawan dulun co umpi kojahat ma ikan, arohboh ikan maleh umpi kojahat ma iroh. Tapi, umpi kopio tohimo uras dulun.

Bolumboh ponah kohokohico. Aroh bolecak tapi hojolahan boh ma kawan dulun co tomangap aroko penting. Arohboh bopikir ikan ocop monau kokon aranaang.

Jadi, hangki ikan maleh, amun musuh me dou, mihi are kanoi. Amun are haus, mihieh korih. Ma sanioh, ikan nujuk bahon apui nyan tungkui kuhung eh.

Amun oko kawan dulun co nyiksa ikan, nyawotleh hia Mohotara ina Are mihi aang co pio hinut indan doh. Yoh, nyawotleh ina Mohotara mihi aang co pio hinut indan doh. Aroh nyawot ina Mohotara majap iroh! Umba boh jorih ma kawan dulun kotika iroh jorih, hintang umbaboh jorung ma kawan dulun sowaktu iroh jorung.

Dohopboh mondakan koporuluan kawan dulun porocaya ma Kristus. Atoi me sobulih horoholuh sanang norima dulun porocaya ponah lopo.

Ito samah isan ico beti co orong anggota. Aroko kokon anggota taiyoh empun tugas co samah. Sanioh ka ma ito. Ito mula orong, tapi ito samah isan ico beti ponah Kristus. Hopomasing ito oko hubungan ma anggota co bokon.