Versets bíblics populars de Matvei 15

Comparteix

No se, mi tuleb suspäi irdale, om lähtnu südäimespäi, i se tegeb mehen paganaks. Vaiše südäimespäi lähteba pahad meletused, rikondad, verhan akanke vai mužikanke magadamižed, vedeluzelo, varghuded, kelhad väritused i pahad sanad toižiden polhe.

Mi mäneb suspäi südäimehe, ei tege mest paganaks. Mehen tegeb paganaks se, mi tuleb suspäi irdale.»

– Nece rahvaz läheneb minuhu hulil, i pidäb mindai korktas arvos vaiše kelel, a heiden südäin om edahan minuspäi. Tühjan hö kumardasoiš minei, ku opendaba ičeze opendushe, rahvahal tehtud käsköihe.»

Siloi Iisus sanui hänele: «Sur՚ om sinun uskond, naine! Olgha sinei muga, kut sinä tahtoid.» Neciš aigaspäi tütär tegihe tervheks.

Üks՚kaik naine tuli lähemba, kumarzihe mahasai Iisusan edehe i sanui: «Ižand, abuta minei!» No Iisus sanui hänele: «Ei ole hüvä otta lapsil leibäd i antta sidä kužuile.» «Ka, muga om, ižand» – sanui naine. «No ved՚ saba koirad-ki söda leibmuruid, kudambad lankteba ižandan stolalpäi.»