Versets bíblics populars de Иоан 2

Comparteix

Тайӧ медводдза шензьӧданаторсӧ Исус вӧчис Канаын, галилеяса карын. Тадзи петкӧдліс Сійӧ Ассьыс дзирдлунсӧ, и велӧдчысьясыс кутісны эскыны Сылы.

Исус вочавидзис: «Аньӧй, мый Меным таӧдз, ӧд Менам кадыс эз на во».

Исус шуис кесйӧгъяслы: «Тыртӧй дозъяссӧ ваӧн». Найӧ тырысӧдзыс кисьталісны васӧ дозъясас. Сэсся шуис налы: «Ӧні гумовтӧй васӧ да мыччӧй сійӧс кӧлысь нуӧдысьлы». Найӧ мыччисны.

Исус вочавидзис: «Жугӧдӧй тайӧ крамсӧ, и Ме куим лунӧн выльысь лэпта сійӧс».

Исус кӧвъясысь кыыштіс орс да кутіс вӧтлавны сыӧн крамысь вузасьысьясӧс, налысь ыжъяссӧ да ӧшъяссӧ. Сійӧ пӧрлӧдліс сьӧм вежысьяслысь пызанъяссӧ да шыблаліс налысь сьӧмнысӧ. Гулюӧн вузасьысьяслы Сійӧ шуис: «Петкӧдӧй гулюястӧ татысь! Энӧ пӧртӧй Менам Батьлысь керкасӧ вузасянінӧ!»