Versets bíblics populars de Matai 24

Comparteix

Mouxienni olodozhi kunlai oreku zhughe widane. Ingieliuzhe rennai giezhi zuihou kusanlai jiuine.

Asiman gojiani gouxioxini qienxiade chonji kurughazhi soyuji minzulade ganzhen beidene caigie duya baraku kuzhene."

Ta eghindusan, eghindune giesan xioxini sonosune. Ingiese goujida bu jinda. Ene shiqin kenjin fashen gienema, duya baraku shihou dou ese kuzhezho.

Minzu, minzula eghindune. Gojia, gojiala eghindune. Gochude oliesuzhi zemin gojiolune. Eneshi tendunni keitou wo."

Asiman, zemin widaliuzhe mii kielien kenjin ulie widane."

Olon kunla mii niereghala iredene bishi Mexiha wo giezhi olon kunlai miine.

"Hhe shihoude kunla tai barei echidene heizhi alane. Mii yenyinghala go minzula tai henjine. Hhe shihoude olon kunla jiomunni bendane. Nieniene ghudanduzhi henjindune. Olon jia xienzhila khizhedene olon kunlai miine.

Ersa hhelade kieliewo, "Ta xioxin giezhi kunlai bu piendagha.

Ingiese ta goude zhunbei giendu, ta mejie dakude Kunnikewon irene."

Ingiese ta jinxin gie. Tai Ezhan yan xienzide irekui ulie mejiene.

"Hhe udu, hhe shihouni kiema ulie mejiene. Asiman jieredu qienxienlaye ulie mejiene. Kewonye ulie mejiene. Zinie Ada mejiene.

Jia Mexiha, jia xienzhila khizhezhi fugie ghudureqi, fugie shiqinlai giekushi sunghusanlaiye kenen miine.

Nuhha ni xienzide matugiezhoshi Kunnikewon irekudeye qingiene. Hunshuise melieshidaku hhe xienzide kunla ijiezho, ochizho, bierei agizho, dafalazhi izhi Nuhha chon sudoro oroku hhe udude kuruwo. Yamai mejie dakude hunshui iredene kunlai man tou yolawo. Kunnikewon irekudeye ingiene.