Versets bíblics populars de Popodalaina 37

Comparteix

Ego sa putagitania sa kai putagita si Josepa ko totonai sa vavakato vaniria sira na tugana, poni satotonai sa qai kanai tu lalaodia sisa.

Ego i Izireli sa sa roroqu vivitigia isa si Josepa jolaniria doru gogoto tuna marene, ura sa podo sisa totonai sa tei baragoso tu ko sa piti vania sa kai poko gojo kakala babata jonga.

Totonai ira na tugana qai batia sa na tamadi sa roroqu vivitigia sisa jolaniria ira, poni sa qai kanai beto qaike boka paranga vabubule lao tana.

Ego beto sa putagitania mule kai putagita sisa ko sa ule vaniria sira na tugana. Pira sau, <<Mu vainongoro ko!>> <<Qa putagitania mule ara sa kai putagita, poni sa kopira na tapo, na popu beto ka manogameka seru sa qai titi opo gore pa moequ ara,>> sauniria.

Ko qai konoa ira na tugana sisa, goto na tamana sa nongoro vakolea sa na paranga alepi.

Pira sauniria, <<Mu vainongoronia na putagita qa putagitania ara. Ego taqe korapa kokoturia na gogou kiko pa inuma sa gita poni sa sa iolo votu sale vasiboro beto sa turu vatuvisi sae sa na gou kiko taqu beto ira na gogou kiko tamugou sa qai lame vaikamu vailivutainia sa taqu beto ko qai titi opo gore pa moena na gou kiko taqu,>> sau.

<<Ariagada, ta vai vamate pale beto ta kurania pa kai baongo oqili api beto pira tanagu kai manugu piruna sa gani pipiaria tanagu. Beto tana doria ai mai vevei sira na putagita tana,>> qarigu.

Ko totonai qai jola sira na tinoni roroiti teku poata pa Midia, poni sa qai kao votunia pa leona na baongo ogili ira na tugana si Josepa beto qai vavai palenia ka rabeteputa poata siliva tadira na tinoni Isimeli ko ira qai surana gorenia pa Ijipi si Josepa.

Ko qai vaiparanga laolame, pira qarigu, <<Sa lamegana alepi sa na tinoni puputagita.>>

Ego pa souna tu qai batinia sisa ko totonai sa oqoro lao kamuria, poni sa qai mekarai vaingodonia ko mai vamatea sisa qarigu.

Take vaororungu kikisua. Ta gona kurania gu pa kai baongo oqili pa qega lani, goto take kotini limada,>> sau. I Rubeni sa paranga vei inara ko mi aloa tadira sisa ko mi toni mulenia tana tamana sau.