Versets bíblics populars de Popodalaina 15

Comparteix

Poni i Ebarami sa vasosotoa si Iahova ko i Iahova sa pojania na tinoni tuvisina sisa.

Pa liguna api, na paranga tai Iahova sa lame tai Ebarami pa dodogoro. <<Muke matagutu, Ebarami. Ara sa na mua naqe, Na mua pinia poreveveina jola,>> sau.

Beto sa toni votunia pa peguru beto sa paranga, <<Mu enga saea na oka beto mu anyeria sa na seru- vei sosoto tugu muna boka anyeria ao sa,>> sau. Beto sa paranga mutu, <<Mai vei inara sa na tutimu ao,>> saunia.

Poni sa lame tana sa na paranga tai Iahova: <<Na tinoni api sa minake beigo ao goto kai tumu marene mekamu tu mina koko lame vei pa tinimu mekamu sa mina beigo ao,>> sau.

Beto sa paranga si Iahova tana, <<Mu gigila vatalea ao sa ira na tutimu ao sa mai tinoni kamudi pa ia qaike isongia, mai tavapinausu beto mai tangangangulu ka made gogoto puputa aoro, sau sisa.

Ba sa paranga tu si Ebarami, <<Kei bangara Iahova, na sa muna boka vanisiu ura ara kepore tuqu beto isa na tinoni mina teku vakarovia na isisongo taqu sa i Elieze na tinoni Damasikasi tu?>> sau sisa.

Na rane isa i Iahova sa roitinia na vinaego tai Ebarami, ko pira sau, <<Na ia api sa qa vaniria ara na tutimu ao, koko pa ovuku pa Ijipi ko mi lao kamu pa ovuku lavata pa Eupareti

Pana vinamade sasae tinoni sa ira na tutimu ao sa mai mule kamu lani, ura na sela tadira na bubutu tinoni Amorai sa sa oqoro jutu kamua na ikerena sosoto,>> saunia.