Versets bíblics populars de Chukutumbula 37

Comparteix

Kilo jhimo, Uchupo ngalota maloto, nambo pabhachimulila akahacha mundo, bheniya ngabhachocha kunchimwa hake.

Yakobu akate kumpala hake Uchupo kupeta yana yoha, nhwalo mwana jwampapite muighoe. Nganchone likanjo lililembelikwii hake.

Nambo akahacha mundo pibhalola kubhehe tate gwabhe atei kumpala hake Uchupo kupeta bhange, ngabhanchimwa ade kubhehe na maghonga.

Peniya, Uchupo ngalota ghange maloto. Ngabhachimulila akahacha mundo kulonge, “Nnyokanikiye maha, notite maloto, lyobha na mwehe na ndondwa kome na lumo ikanitila nenga.”

Akaacha mundo ngabhammone wiho Uchupo, nambo tatemundo ngajhendelila kulinhwachila kilebhe chene.

Ngabhalobholila, “Nnyokanikiye maloto ghanotite. Nakaloti naha, tukibha twabhoa kung'onda, tukatabha ng'anda, papa pena ng'anda jhango, ngijhijhinuka nukujhema gwema. Ng'anda hino ngaikongana nu kuilitila ng'anda jhango.”

Denda tunkome tukantaghila mu libhomba lyolyoha pakate jha ghanga, natwe twakalobholela atate kubhehe alegwitwe ni kinyama chikumanyahe. Peniya tughalole maloto ghake naghabha bho.”

Akachulucha ilebhe bhuku Midiane pibhaika chehemo jhenio, akakolo mundo ngabhampiya Uchupo mulibhomba lyenio ngubhanchulucha kwa Akaichumaile kwa ipande makome mabhele gha madine gha feza, na bheniya ngabhantola kujhenda nako ku Michile.

Ngabhapwepwelina, “Angota ahika jhola nnota maloto.

Akaacha bhake pibhammona abhii kutale, kabula anabhandikii jhe chehemo jhenio ngabhabheka ntemela gwa kunkoma.

Leubene ngajhendelila kulonge, “Mbaha tuntumbukii mulibhomba lende panjenga nambo twangamengwa jhe.” Leubene palongila gheniya apata kunkombo Uchupo mumabhoko ghabhe. Peniya amujhiche kwa tate gwake.