Versets bíblics populars de Chukutumbula 27

Comparteix

Ninnyopa Chapanga ankutulila mangame kuhumii kunane na nng'onda gwino ubhaha ghubholile! Mahuno na divaye innyolekela. Bhando bha pannema nabhantumikila, nabhantamila makilikite. Namalongocha akalongo bhino na yana ya majhe gwino nabhantamila makilikite. Bhando bhibhannyope likoto lyabhujhila bhene na jhola jwannyope mota na jwenio hele abha na mota!”

Echau palongila, “Ndi nhwalo akemwa Yakobu! Angolwiye pabhele, pukutumbula ngatola chehemo jhango jhukubhelukwa na ngohe atoii mota yango.” Peniya ngankonya tate mundo, “Bho, matate gwango ibhijhe mota jhango jhumekile?”

Peniya Ichaka palongila, “Kitamo chino kibhaha kutale na pipabholile na, mma kutale gha hula jha kunane kwa Chapanga. Nnama kwa kukoma kwino na mutumikila unung'una gwino, nambo anda nnkengelwike nanongochwa jhe kabhele.”

Echau ngannobholila tate gwake, “Bho, ma tate mwe nkwete jhe mota jhenge? Na nenga helahela tate nijhopa umbeke mota!” Peniya Echau ngalela kanonoha kwa lipyanda.