Versets bíblics populars de Be ya a Roma 12

Comparteix

Nye e cha nye dwa jan fukèn mo zǝnchaje ena ge e dwatì a chu nye efwe ra, tea nye e gwa Ehwya ge e twa e fwe tsuruku mo nye, ne no nye shwa ekam efwe. Kǝnggwa nye chà yi mò a Ehwya dgyan anga. Moedgyan mbwe hon, e no esese, e no etkwatkwa ngge e defǝ ara a zǝn ye ángá.

Enona, be nwenjwa, m bgó nye anga àywá adi fǝedwam mo Ehwya a chu nye, nye e kpu chu nye e no Ehwya abu mò etinom e no angǝ, echanwenwen ngge mò a ga fo etkwa mo nó ángá. Ena a abu Ehwya dgyan nye e no e fen ye anga.

Nye e no ngge vǝtsen a chu shwa enyinm mo nye, nye e bon e tén ekǝ̀n a chu ekan engǝm mo nye ngge nye e no e kpwà adi ebgo ebgom a zǝn Ehwya.

Nye e cha nye dwa mò esera e de e vǝ́ a chu nye ra, tea nye e de e vǝ́ a chu mò esera adi be mò esese ebwem mo nye.

A chu edgyan mo be nwenjwa je ya ekǝ̀n-etsǝ́m, nye e dgyan be ngge tsuruku akan. A chu edgwa a nye no egwa egwa anga, nye e no be nobǝ efki edgwa abu be twafǝ́ nye.

Edgyan mo nye a chu be nobǝ ge e no edgyan ebi. Nye e ze mò e no mofǝ̀, nye e fú e ngǝ́shi mò e no esese ángá, a tsuruku mo nye.

Ano ge no ebwetim, nye e bwe binbin mo be mò a nye bwe a ti evǝa nye e no zǝno a tswa adgye ngge egwa egwa.

Be shushwa m ya, nye e kpwa nye kpo mo mò esera ra, nye gwa ye e no Ehwya ge e kpwa nye kpo mo nó a ge, adia Etsodwe a tswa be Fwaebam mbwe jan, “Kpo ekpwam a ḿ mam, a me ma kpwakpo mo nó, Ehwya jan a ge.”

Nye e twa e didi nye ekǝ̀n ra, nye e bwe Ehwya mochi ngge tsuruku akan.

Adi esese a Ehwya è bwe m ángá, m jan egwa egwa mo nye anga jan, ende akan mo nye e ti ye chu ye jan ge twafǝ̀ mò a ge no ángá ra. Tea egwa egwa e bgeshi fǝzǝn abu ge ka shwa anga a chu ye. Ge e ka shwa a chu ye abu chaebi a Ehwya no ara ye ángá.

Nye e kpwa nye kpo mo mò esera ngge mò esera ra. Nye e bgeshi fǝzǝn evǝa nye e bwe mò a egwa egwa e di, na jan mò a nye bwe anga, no esese.

Nye e twa nye fwa e sojunye ra, nye e no zǝno edwe e so. Nye e sé nye fǝ́ ra, tea nye e dgyan chuefǝnm ngge be nobǝ ya be di jan be kǝn be mò akan ra. Nye e ka nye jan nye yi mò tkyan be nobǝ efki ra.

Fwa mo Ehwya jan efwe jan, “Ano mbe fu ya eze mbo anga, we no ye mode. Ano jwangǝ̀ fu ye anga, we no ye mò ge e ngǝ. Ano nye bwe enò, ga no abu nye nggwa be kafǝ̀ anga, a chu.”

Nye e bgó Ehwya ge e bwe be ya e tswa nye fí anga esese. Nye e bgó jan ge e bwe be esese, ge e to ye be ebwe a chu ra. Nye e no a tswa tsuruku etenten ngge be ya e no a tswa tsuruku etenten, nye e no a tswa tsen ebenm ngge be ya e bentsen anga.

Nye e bwe e jwa be nwenjwa nye ya ekǝ̀n-etsǝ́m ya e nda mò anga, ngge be mò a nye no ngge be ángá. Nye e cha be ya echan e shi a tswa akanmu nye ngge vǝtsen.

Ge no tén abu egwa egwa mo je no ngge ekǝnjuju akan ngge eswakwa embo ángá, be eswakwa mo ju ena, no ngge be mochi efki efki. Eni abu ge no a ju Kristi ángá. Ja be eswakwa embo mo ekǝnjuju akan mbwe, ngge je no ḿ mo so.