Versets bíblics populars de रोमियां 3

कांकि सब ने पाप करला ते नरीकारा ची महिमा कनु दूर हुती गेले, पर ओचे अनुग्रह लारे, ओ छुटकारे चे जरिये जको मसीह ईशु मां छै, सेंत मेंत धर्मी ठहराले जई।

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

नरीकारा ने ईशु मसीह नु, ओचे मां विश्‍वास चे जरिये पापा कनु छुटाकारा ङिवाणे वास्ते लौका नु ङिला। ओणे ईं काम ईशु मसीह चे बलिदान चे रुप मां करले। इसड़े ईं पक्‍के करने वास्ते करले गेले कि नरीकार सहनशील छै। कांकि ओणे पेहले लौका नु वांचे पापा चा ङण्ड भुग़तणे बिना छोड़ती ङिले हुते। बल्कि ऐ समय ओची धार्मिकता प्रकट हो, कि जाये मां ओ आप ही धर्मी ठहरो, ते जको ईशु उपर विश्‍वास करे, ओचा वी धर्मी ठहराणे आला हो।

व्यवस्था चे कामा लारे कुई वी इन्सान नरीकारा चे सामणे धर्मी ना ठहरी, कांकि सेर्फ व्यवस्था चे जरिये पापा ची पिछाण हुवे।

जिसड़े कि पवित्रशास्त्रा मां लिखले पले, “कुई धर्मी कोनी, हेक वी कोनी। कुई वी समझदार कोनी, कुई वी नरीकारा नु सोधणे आले कोनी। सारे चे सारे भटकती गेले, सारे चे सारे निक्‍कमे बणती गेले, कुई वी भलाई करने आला कोनी हेक वी कोनी।”

ऐवास्ते अम्ही ये नतीजे उपर पुज़ु पले कि, बन्दे व्यवस्था चे कामा लारे ना, पर विश्‍वास लारे धर्मी ठहरे।

बल्कि नरीकार सच्‍चा छै ते हर-हेक बन्दे कूड़े छै, जिसड़े कि पवित्रशास्त्रा मां लिखले पले कि, “जाये कनु तु आपणीया बाता मां धर्मी ठहरी, ते न्यां बेले तु जय पावे।”