Versets bíblics populars de Gétsutsuéô 13

Comparteix

One andé na éodo atsutsué ébégô éndé n’otangô ômeetsô nyamane. Otangôe wedi ôwanya na ina amôma. Otangôe wedi te mikama môtôba na nzima môtôba na môtôba.

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gényamanyama gématindéga oma muetso na ageage na avôni, n’ekitie na misuga, n’avéga, n’ane asaba avéga gôéémbo ndémbô g’ôgogoe ômôgôô na gô panza. Gôsibé môma amoongôa ésômba na ésômbéda angô gébé na ndémbô. Ekegea mbe, ndéômbône te ina aGényamanyama, na te ôtangô ôndé kuanakue na inee yedi.

One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.

Vane me Jean nameena Gényamanyama gémakusa gô mubu. Gémabaka na nzima atséba na miôtsé tsambué. Gémaata gô tsébaye yetso gépôkôdô gévo gévo sokumaka. Gô miôtsé miedi gômatendu ina ébuanya Nzambé.

Gényamanyamage gémeetsô ôtômu gôégenya n’asi Nzambé na gôédiia gô ébadie éne. Gémeetsô ôtômu gôndé mongo metso, n’oma muetso na yôgiye yetso na tsengeye yetso.

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé. Nyamane éamôbaé émeetsô ôtômu gôévumbéa modi amonyo gôndé gégonige saGényamanyama gômbé sangô géngavovo. Na émeetsô dôta ôtômu gôéyôha muetso ane asagéneegedani.

Gényamanyama géne gémagono na nzego. Na makôdô medi te ga mane manyama ééndô mbe ours. Mônya edi te ga ône agémbugu. Gényogonyogo gémeetsa ngudi yedi, na gédigaa sedi sokumaka na ényangee éedi na gôndé Gényamanyamage géne.

Gényamanyama gémeetsô ôtômu gôévovo na bôpeeo mabégô mabuanya Nzambé. Otômue ôndé n’edi te ngu na nzima dinayi na ngonde dibaé.

Môtsé ôvo aGényamanyama ômabaka ômabetu, eembe ékéwa, ivô pôtane émadônga. Oma muetso ava tsina amasôbasôbana Gényamanyama na gényônga. Na ahmakea na sangô nzéepo gôéaanda sangô.

Vane me Jean nameena nyene nyama émakusa gô tsina. Emabaka na tséba dibaé ga dine yaMôpaga. Emavovo gavovo Gényogonyogo. Emayanza na ngudiye yetso yaGényamanyama, te géndé vangô. Ematindéga tsinane na muetso andé gô yangô gôéneegeda Gényamanyama gémabaka mbe éwa na pôtane émadôngani.