Versets bíblics populars de Jacques 1

Comparteix

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni. Nôsabômu mbe vasatsuma anye ngudi yaNzambé paga nôkékôa mane makanégu anye, nôndé gôékôndégu ôbibô.

Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

Ivô keneani mbe nôbibéda ti v’ekôdéô éabibéda. N’anye mbe nôngaba nômatsimamani na nômadugani gévéé ta n’ebégô évo.

Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

Okô môma ookô mabégô na asamakenea agono na môma abono gédimô sedi gô géeno. Na vamanangô ébono akea. Na angô eeba tsina na tsina éne ééni angô.

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Vakanégu môma asoongôa éénda mbe: Te Nzambé akanégi me. Nzambé asakanégu na mane mabévani. Na amuene asakanéga môma. Ivô môma akanégu vadutu angô na gényônga samane mabévani mookô angô tsôvé. Akuba te gô mane manyimangô.

Muana aTéta, ône asaba môma môvôni, eena buedi vabatédu angô na Nzambé.