Versets bíblics populars de Ephésiens 4

Comparteix

Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Nônavovo ta n’ebégô évo ébévani. Nôvovo te mane mandé na tsoongo gôéwedéa akanyô gôéwesedangô gô nzéa éaNzambé étôkéani. Mavovia manyô mandé n’eyanza gôényepeda akanyô. Vane nônganyepeda muetso ookéô anye.

Patsani gôdagôda n’anyô matasa metso na mavovia manyô manganye na pigaga, n’opisa. Nôtôgani gô mindônga na matoki. Aaganani n’ebévee éetso.

Okô nôôkô ôpisa nôwema kabaga nôkuésédu na angô gô mabégô mabévani. Nômbiadigaa n’opisa môsee amôbongo. Nômbiétsa yabédé gépékéô na gô mitémamie mianyô.

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana. Buedi mbe nôkou ti pepe nôka wene mônongo gô mitéma mianyô na gô édidie éanyô. Gaatanye mikanda miamanza, aatakani mônongoe atsatsee, ône ôgono na amuene Nzambé. Mônongoe ône ôviga gô Mabégô MaPie na ôenanô gô môdigédi ômatsimamani ônyôngéô Nzambé.

Putugani gôéba môvo gô Gédidi SaNzambé buta mbe gétabé gévambéda anye.

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie. ?Amakaba migôômie mine gôndé? Amamikaba gômbe asi mbumu éedi angaduganéô ngudi gô miangô gôémana éyanzee éaNzambé va tsina. Na mbe asi mbumu éedi andé ôtôe aChrist ôngavunda na ôngoongôga na ôngoodo gô mabégô metso maNzambé gô ngudi yamigôômie. Vane tôngaba tômagésangana muetso évambevo gô éne ématôétsa mitémamie gébé na paga na gô gémenyéô sasô n’anyô saJésus, Muana ANzambé. Na vane tôngaba tôka payi gômavunda wa n’anyô na gômoongôga wa n’anyô gôéba ôkana ôvo n’etsimama éaChrist.

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana. Ivô ôkô tôdigaa gô mabégô mapie na gô étondo éaNzambé tôngoongôga gô mabégô metso gandé ôtô amôma oodoni na ôsipani. Amuene Christ te môtsée.