Versets bíblics populars de Ephésiens 1

Comparteix

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi. Na mbe nôngeena ngudi yedi dimootéani disaba n’okana dindéké deo noo gôndé wa n’anyô tôsatsuma angô paga. Ngudiye yaNzambé dine, te dine dimakundua Jésus g’ôwa na dimamôdigéda gô géeyo gémôgôô saNzambé gô tsenge éedi éag’ôba. Gône Christ, ône amasevouni, amadigédu gô ngongo aditômuye yetso, na ényangee éetso na ngudiye yetso na ôkumaka wetso. Na andé va ngongo aminame metso mangoongôa môma éteta, mane magô tsenge nedué na mane magô tsenge évigani.

Menyani mbe Nzambé madeo asikana tsina n’oba amapanga ésevoa wa n’anyô gôévamba n’edi gô ngudi yaChrist, gômbe tôngaba n’etsimama na gébé n’oési va mbene edi. Buéyé mbeego, Nzambé amabaka n’etondo gôndé wa n’anyô na amatôsevoa mbe tôngakou gôéba anedi gô ngudi yaJésus‐Christ. Te Nzambé amuene amanyôngéô éénda nane.

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.