Versets bíblics populars de I Pierre 3

Comparteix

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé? Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

Gôébégô miso maKumu mandéké gôndé ane amatsimamani. Na matô medi mookô disambô yaô. Ivô gédimô saKumu gégengôgéa ane ahndé na kéé.

Nômbiabuta ényepeda yôtô ditévo. Nômbiaba na tsoki gôébégô éatsôgé yanyô, na mapungadede, na miôdô, na mianza, na eetso émasaô na dodo, na édénga éonami. Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.

Te gatôbeendu na Matendeo MaNzambé mbe: Gôndé ône anyôngéô édigaa gétabé gô tsengene, Na anyôngéô éena minya mietso gényônga. Aweme ômeni edi gô mikokou na miumbu miedi gô diboe. Te buedi mbe môma nône aviié mabégô mabévani ngima, ayanzé mane mamisôba. Abéngé gétabé. Adigéé gô sangô.

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô. Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

?Indaa angavinga anye ôkô nôndé na géviôviô gô mane mamisôba?

Te buedi mbe môma nône aviié mabégô mabévani ngima, ayanzé mane mamisôba. Abéngé gétabé. Adigéé gô sangô.

Okô Nzambé anyôngéô mbe wa n’anyô tôena maguga? na gôétubédu maguga gô mayanza mamisôba, na gôétubédu maguga gô mane mabévani, éne ényepani, yééni? Tôtubédu te gô mane masô mamisôba.