Versets bíblics populars de Mateghusi 23

Comparteix

“Ene mukakupiterera pakatji kenu, yo sho gha kare mukakumukarera.

Mukakukununeka thinda, mbo ghana shwahuka, no mukakukushwahura thinda, mbo hana mu nuneka.

“Kunyanda kuna mu taterera mwe, mwakamarukwaro naWafarasayi, mwakadifurumeko! Amwe mwa tapanga padikumi thofotji, pamunde, nopayitowaritha nopambuyo, ene maghukukutu ghomuragho ne mwa thigha. Eshi: ghuhunga, thin̂eke nomatjimapero. Shemwa, yinu yino yo yokutenda munu, kadi wa kuthigha ko yimweya.

“Kunyanda kuna mu taterera mwe, mwakamarukwaro naWafarasayi, mwakadifurumeko! Yoyi muna kukenitha makopi noturonga peghuru keho, mwimi ne mwa yara ghumu noghukashu.

“Jerusalema, Jerusalema, yowe mukakupagha haporofeta no kupagha nomawe, awa ha kutumenine. Rwingi na himine kukongwedha hanoye pofotji, yira shushwa ghokukongwedha tutjigho‐tjigho twendi mumando ghendi, amwe ne ka di wa kutawa!

Kemo dyo mwa kara namwe: Peghuru, kwawanu ne yira mwahunga, mwimi ne mwa yara difurumeko no kunyatha muragho.