Versets bíblics populars de KEJADIAN 27

Comparteix

Jenang doh Kiog hek embon ju langit supaye selai-selai hek kijadi subor ru selai-selai ajeh doh kihasel gandom ru wain de jeoi. Semoge dikdij sengoi ju bangse-bangse kilek naitundok ru naisujod nu hek. Semoge hek hajadi tuan nu sesedara hek, ru kenon-cenok amek hek doh naisujod nu hek. Bok de kipecelaka hek, celakaloh ilei, ru bok de kiberkat hek, semoge biberkatloh ilei.”

Esau kiurok, “Adeh ya ku inar kali kek kitipu eng. Patotloh imuh Yakub. Kek ya kikot hak eng sebegei kenon sulog, ru hunen nij ya kikot berkat de patot biog nu eng. Apak, mongka berkat kilek nij ha eng?”

Jadi, Ishak kiurok nu kek, “Tempat ginei hek doh nyak ju tempat de mong embon ju langit, ru ju tempat de mong selai de subor. Hek doh hasui ya pedang lihek, ru hajadi hambe menang hek. Tapi bile hek memberontak, hek doh hatelas ju kuasa ajeh.”

Esau pek behenti kisemanj nu iapak, “Apak, had nek nanek berkat talehka de mong ku enjen? Berkatloh eng juga, apak!” Lalu kek pen kijap ru ihad kuat nij.