Versets bíblics populars de Apokalipsis 12

Comparteix

Ta von dobisarde le pala o rat e Bakreko, ta pala lenge alava e chache, ta lenge ni mola niso lengo zivoto, ta ni chitilape lenge te meren.

Ondaka asundem iek baro avazi ando miloso kai ppenela: “Akana avilo o braduipe, e zor ta e charoina katar amaro Del, ta o gazdaripe katar leko Mesias; soke avilo tradino avri gua kai dosarela amare pplalen, angla amaro Del ollivesea ta i orachaia

Ta avilo tradino avri o baro dragon, o sap o purano kai ikkardol llavolo ta Satanas, kai kojavel sa e sueto; avilo tradino pe ppuv ta leke suechura avile tradine lea.

Goleke veselin tumen milosura. Ta tumen kai zivin ande lende ¡A tesko e llenenge kai zivin pe ppuv ta pe mora, soke o llavolo fulisto tumende bare jolinaia soke llanel kai inai le but vreme!

Mapalal saia iek baro maripe ando miloso, o Migel ta leke suechura, marenape e dragonoia ta marelape o dragon ta leke suechura.

Ondaka o dragon pperdilo joli pe diskinia ta llelo te marel e vichaia kai achilaia katar o porodo e diskiniako, gola kai cheren so ppenel o zakono e Devleko ta si len e orba e chachi e Jesukristoki.

Dikkili ando miloso iek bari ezgoda, iek diskinia furiadi e kkametar ta telal katar lake porrne saia o chon ta upral katar lako soro saia iek korona desuduie cheraiengi. E diskinia saia kkamni ta urkila katar e dukka soke aviloia lako vreme te maladol lake.

Ta e diskiniake maladila iek murusorro kai ka gazdaril iekke kastea sastruno sa e ppuvien, ta lie lake chaurre e Devleke ta leke tronoke; ta e diskinia nasli po pusto, kote kai o Del lacharda lake iek ttan, te sai pravaren la milia ta dui stotine ta souvardes llivesa.

Ta i dikkili aver bari ezgoda ando miloso, iek baro dragon lolo kai saia le efta sore ta des singa ta iek korona pe suako soro. Ta leki pori chirdela iek katar suako trin cheraia kai si ando miloso, ta chudia len upral pe ppuv ta o dragon ttodape angla e diskinia kai saia kkamni te jal lake minone kana ka biandol.

Ta avila lake dine dui pakka katar e bari agila, te sai furial angla o sap karing o pusto kai lako ttan, kote kai saia te pravarenla trin burs ta dopas. A o sap chudia katar po mui pai te sai cherel iek len palal pala e diskinia, te sai avel chirdini e paietar. A e ppuv pomozisarda e diskinia, soke e ppuv putarda po mui ta nakkada e len kai o dragon chudiaia katar po mui.