Versets bíblics populars de 1 Korintios 15

Comparteix

Goleke, pplalalen kai voliu tumen, llan zoriaia ta radi suako drom mai but ta mai but e Gazdake, ta llanen kai sa so radin e Devleke inai samo gia.

¡A fala e Devleke kai cherel amen te dobi ande amaro Gazda o Jesukristo!

Na muken te kojaven tumen, sar vareko ppenda: “E bilache llenenchar kai lla murin e lache ezgode kai sikilan.”

A sem so sem soke o Del si lacho manchar; ta leko volipe manchar ni avila samo gia. Soke me radisardem mai but neko sa ogola; a o chachipe ni sema me, o Del saia kai ande po volipe pomozisarda man te cherau gala ezgode.

Meripe, ia ni dobi ios. Ia Inai tut ios zor te dukkave amen” Soke e duk e merimaki si o bilachipe, a e zor e bilachimaki bariol cheres o zakono e Moiseseko.

Me mangau te llanen e volia gurudini e Devleki: Na sa ka mera, saurre ka ava pparrudine. Ande iek vreme, gia sar putaol ta ppangliol e iak, ande mai paluni taturuga; soke ka basel e taturuga, ta e mule ka usten katar o meripe ta nikada ios ni ka meren ta amen ka ava pparrudine.

Gia sar avilo o meripe cheres iek lleno, i gia cheres iek lleno ka usten e mule katar o meripe. Gia sar ando Adan sa meren, isto gia ando Kristo saurre ka avel len o zivoto.

O Del ka pparruvel gala esnage amare, kai meren ta murinpe, pe esnage kai ka zivin ostade ta nikada ni ka meren.

Soke o Kristo trubul te charoil llik kana sa leke dusmanura ka achen ttode telal tala leke porrne; ta o mai paluno dusmano kai o Kristo ka dobil si o meripe.