Versets bíblics populars de 1 Korintios 12

Comparteix

O Del sikavel amen kai kana del amen varesavi zor si te sai pomozi saurren.

Goleke, tumen sen e esnaga e Kristoki, ta suako lleno tumendar si iek kotor kai si le iek buchi te cherel.

Kana iek kotor katar e esnaga dukkadol, sa ogola dukkadon; a kana iekke kotora katar e esnaga den le pachiu, sa ogola veselinpe lea.

Nesaven o Duo del len te den orba bizaimaia; ta averen, isto o Duo del len te den orba bare llanglimaia. Averen del len pachape isto e Duotar, ta aver len e zor te sastaren e nasualen. Nesave len e zor te cheren bare ezgode Devlikane, aver te ppenen so si te avelpe, ta averen del len o Duo te llanen save si e duura kojamne ta o Duo chachuno, ta averen del len te den orba ande chibia, ta i averen te sikaven so ppende ande chibia kai die orba ogola llene.

Ta sa gala ezgode cherel le o Santo Duo pe zoriaia, ta vou si kai del suakone llene sar vou mangela te del len.

Ta gia e kotora e esnagake te achen ande iek ttan ta te briginpe iek averetar.

Ande kkanlliri o Duo dia suakone llene so te cherel ta sa gola ezgode del le isto gua Duo. Si but bucha te radi e Gazdake, ta isto gua Gazda si kai del len. Sai cherdon but ezgode, a isto gua Del si kai del e zor suakone llene te cherenlen.

O Del mukla ande kkanlliri ando purvo ttan te aven e apostolura; a po duito ttan e poraukura; a po trito ttan e kovacha; ta ma palal averen kai cheren bare ezgode Devlikane, ta llene kai sastaren e nasualen, ta nesave kai pomozin, aver te aven birovi, ta i aver kai den orba ande aver chibia.

E esnaga inai cherdi katar iek kotor, katar but kotora si cherdi.

Goleke, e kotora e esnagake kai dikkon kai inai len zor, gola si kai mai trubun.

Sa e esnaga te avilaia iak, nasti asundama. A sa e esnaga te avilaia kan, nasti kkandiama. Goleke o Del ttoda suako kotor katar e esnaga po ttan kai vou mangla. Te avilaia sa e esnaga iek kotor ni avilaia iek esnaga.