Versets bíblics populars de APOEM AYANG: 27

Comparteix

Mangsoo gi mougkhung: mo nghain: jhu" khyoo' byid: wigi re" khyam: yoo yoothung" ri myid nu" nhang: baja". Nyang: gi nang ri shivoo: yo' zabyid yhid: myoo: sho' byid: baja". Byumyu" yigi re" jang moo dei zoo: yi koid wigi byumyu" yi dangain" re" shidkhoin" moo goeb pid loo goo" baja" o". Re" bidnoem yi dangain" ri nang yo" vhoebkhang" wigi re" myhi' da" amyed ashen yi dangain" re" shidkhoin" moo goeb pid loo baja" o". Nang ri nheing" bang: gi nheing" zi shoug" goo" baja". Nang ri mainkaid byid: bang: gi mainkaid byid: zi shoug" goo" baja"» ga: tid.

Eso gi «He: zigi nyang: ngoo ri mhoug zi eig lheing: ein: lheing: nghoid bye:. Nya: myeing Yaku ga: ziri moug" cang aboo. Nyang: gi nga" zooshid" aya: ri yu pyam wigi akhid" nga" shid re" mainkaid jeju" ri nyang: yu pyam bye:. Nang nga" shid re" mainkaid jeju" daja: khyalang" ateing too" loo: rhe"» ga: tid.

Hau: thang: Isag nyang: ri «Re" shid re" mougkhung: mo nghain: jhu" agyoo" loo: wa re" shid re" myid nu" da" khyam: yoo yoothung" ajo, loo wa. Nang gi re" sham: yo' dage" kangso' dei ca" wa. Nghoid loug we' nang gi re" nhung" da" join nang koid ca" wa. Nang gyi koid lang" nya: lo, khoug: mo nang yo" loid loo" wa» ga: tid.

Eso gi nya: phoo ri xo' lho: doem mho' yoid zigi «Nga" phoo we" re" jang moo mainkaid jeju" daja: khyalang" ajo, loo: re". Phoo we" ngoo ri we' mainkaid byid: we'» ga: wigi ngau nyid da:.