Versets bíblics populars de MARKA 9

Comparteix

Jesuh in, “Na tuah theimi a si ahcun, na ti. A si! Zumnak neitu hrangah cun ziang hmuahhmuah a cang thei a si,” a ti.

Cupa cun hmakhatte ah, “Ka zum a si; ka zum kim lonak i bawm aw,” tiah a au ciamco.

Jesuh cu inn sungah a lut ih dungthluntu pawl in a thupte in, “Ziangah so kannih hmuah in kan dawi thei lo?” tiah an sut. Jesuh in, “Thlacamnak dah ti lo, thildang zianghman in hi bangtuk cu a dawi thei lo ding,” tiah a sim.

“Ci cu a ṭha. Sikhalsehla a alnak a ziam asile ziangtinso na alter sal thei nawn ding? “Ci bangtuk in a ṭha mi pawlkomnak nei uhla pakhat le pakhat rualremte in um uh,” tiah a ti.

“Zokhal sisehla ka hmin in hi bangtuk nauhak a cohlangtu cu keimah i cohlang a si; cule keimah i cohlangtu cu keimah i thlahtu khal a cohlang a si,” tiah a ti.

Thungaite in ka lo sim: Ka minung nan si ruangih tidai khuat khat a lo petu cu ṭhatman a ngah tengteng ding,” tiah a ti.

Jesuh in, “Zokhal sisehla hi bangtuk nauhakte pawl pakhatkhat keimah i rinsannak ihsin a pialtertu cu a hngawng ah fangcang rialnak lungtum thlaih tahratin tifinriat sungih thlak a hrangah a ṭha sawn a si.

Cule na mit in na zumnak a lo pialter a si ahcun na mit cu phorh suak aw. Mit pahnih thawn hell sungih tlak hnak cun mit pakhat lawng thawn Pathian Uknak sungih na luh a ṭha sawn.