Versets bíblics populars de MARKA 7

Comparteix

Ziangahtile ṭhatlonak a tuahtertu ruahnak ṭha lo pawl cu minung sunglam ihsin a suakmi an si: nupa sualnak, rukruk, mithah, Ṭaangṭawm sualnak, duhham, thil siava dangdang tuah, mibum, a mawi lo zetmi thilsual tuah, iksiik, misimsiat, puarthau le aat-thlakza thil tuahnak, hi thil siava pawl hi minung thinlung sung ihsin a suakmi an si ih hi pawl hin mi an baalter a si,” tiah a ti.

Minung hi lenglam ihsin sung lamah a lutmi thil in a baalter lo. A sunglam ihsin a ra suakmi in a baalter sawn a si,” tiah a ti.

Jesuh in, “Profet Isaiah in nanmah ih thuhla a rak sim tikah a va dik lawmmam so! Nannih mititeraw pawl, nan thu cu hiti in a ngan: Pathian in ‘Hi minung pawl hin an ṭongkam lawngin in upat; An thinlung cu ka hnen ihsin a hlat ngaingai a si.

Keimah in biak hi a lak a si, Ziangahtile milai ih tuahcopmi daan kha Pathian ih pekmi daan vekin an zirh a si,’ a ti.

Pathian thupekmi cu nan taan ih milai ih zirhmi sawn cu nan thlun a si!” tiah a ti.