Versets bíblics populars de Markus 12

Comparteix

Asipdeyukura, Yesus arye tamubuka nyabuk. “Pia mambul ning ara, ani. Anggun Israel ninye nirya kekeplulume. Nun ni Allah ara, el tonok ulule. Anggun kanye bokoltona kum aryuk, anggun kanye talima Allah el nong deice delinamlulume. Tonda anggun nong nirya ap, anggun kanye ap, anggun kanye tenen ning ap, anggun nong mikip ap, anirya ara, Allah el deiceuk delinamlulume. Weik mambul bitinye ning ara, ani. ‘Anggun bidamnye, ati patapsilye ning mambule tenelulum touk, anggunce yuk nang ati, sik pataplye ning ati, bico tenebuka melinamlulume.’ Allah arye abitinye yupu, ‘Wininamlulume,’ nyabuk yupu ara, pia mambule. Yuk ning nirya ara, mitik mambul uka. Yesus arye anye biti nyabuk.

Dongobukopura, Yesus arye el mapu mening dam abukmeka ati, nyabuk. “Anggun dipdelulume. Na dipkoprop yupu nyapsine. Abona talin nang nirya arye, dekna weik yo bok weik dongopmak bukni, weik yo bok dongopmaka ara, Allah el kanye ara, ‘Ayo bok nirya tabakuka nukuna ara, mitikuk ulule,’ tenelule. Bukni, ayouwak ulirye, bona utotoa kum talilul kil el dongopmok ara, keil uang dekna mitik ninguk dongopmo bukni, Allah el kanye ara, ‘Akil dongopmok ning ara, pia weik ulule,’ tenelule. Winibuka tenelula deiyok ara, ani. Sik bona weik talin nang arye, sik aning-aning weik tailibika noutamak arye, ‘Na’ tenen ning weik aupmalbuk, weik yo bok dongopmak bukni, ayouwak kil ara, pia bona talina kum kil anya arye, el talibuk ning nirya anyuk akunum dongopmale. Wini talak ara, el yo bok pia kum upmala ati, el din ning babye, kum dektue. Ati, Allah el kanye ara, ‘Akil aniryuk, weik arepmanile,’ tenelule,” Yesus arye el mapu ati nyabuk.

Yahudi yala nang, sik Allah ati arilbalamik aik pum bisik, ‘Allah arena ati yo bok dongopnamak’ tenen, marikna atouk ning moubuka deiamik. Ayo bok dongolyanganmek ning dam, Yesus ap, el mapu ap, bukmekce, ayo bok dongolyanganmek nang ati urasin dinmek. Bona weik talin nang weika arye, weik dekna yo bok dongonmek talak ara, anang nirya ara, maknya kintinipdakuka dongolyanganmik. Bukni, youwak ulamuk kil, pia bona utotoa talina kum kil tonokuk, elce dekna mitik keil uang bitinye uk, pia mitik ning, yanuka dongobuk.

Nun malye wininyap ning ara, ‘Allah arye kum daneipnamsil’ tenen, kam ulul ning obuka, nong nirya uku dongonyap ning ap, aning-aning nirya Allah ati arinyap ning nirya ap, aning ara, mitik mambule. Bukni, ‘Anggun kanye talima ap, anggun kanye tenen ning ap, anggun nong mikip ap, aning nirya, Allah el nong deiceuk delinamlulume,’ nyapmalam ning ap ura, ‘Anggun bidamnye ati, patapsilye ning mambule,’ tenelulum touk, anggunce yuk nang ati, ‘Sik pataplye ning ati bico tenebuka, melinamlulume,’ nyapmalam ning ap ara, dipkoprop pia ilil ning,” nyabuk.

Nyabikbuk, Yesus arye anang ati nyabuk. “Yo bok ara, yala tonokuk ulula ati, Kaisar arye, ‘Aning arepnululume,’ nyasulul ning ara, adiparyuk Kaisar ati arenamlume. Tonda aning atouk, anggunce, ‘Allah ati arenamabe,’ teneplum ning ara, adiparyuk Allah ati arenamlume. Aning atouk, ‘Tonye bira, kekenamabe, tonye biti, nun lik tenen, bataknamabe,’ tenena kume. Kaisar arye nyasulul yupu babye, Allah elce nyasulul yupu babye, kekebuka wininamlulume.” Yesus arye nyabuk. Yesus ayupu nyabuka deice arye, Farisi nang ap, Raja Herodes el yupu kekelamik nang ap, arye, ‘El yupu nyaptua deice arye malye uptue, tenepmap bukni, aning kum winipmanto uple,’ tenebikce, “Se,” nyabuka mambul kirik.