Versets bíblics populars de Matius 20

Comparteix

Sik Yahudi yala kum ninye, sik deiyok nang ara wininyak bukni, na mapu anggunda aning atonun pia kum wininamlulume. Anggun na mapu ara wininamlume. Anggun awekmalum nang noutamak arye, yatanye do, ‘Nada teleb deiyoknye unamne’ tenen, deiyoknye atonun unamlanye bira, el kwit capu sik amu tam buklirye, sik kanye imun uplye ning ati, melinamle. Tonda, yatanye do, ‘Nada dunye atonun, mambul weiknye unamne,’ teneplinye bira, yuk ninye nirya ati, sik amu tam pil doplirye, sik talya melinanye atonun unamle. Na unye touk, anggun babye, wininamlume. Na babye Ninye Mi Koprop Atonunye birye, na bidamnye ati patapnilye ning, ‘Ninye nirya melinamniyak’ tenen, kum yase. Narye tukwak ninye nirya, sik patalye ning ati, ‘Melinamne’ tenen, yase. Na unye touk, anggun na mapu babye atonun unamlulume. Nara, ninye nirya sik kanye arye, malye tenelamikce ning ap, malye winilamikce ning ap ati, ‘Allah arye sik wenebuka oplyak’ tenen, na opnikibuk dipnamne deice arye sekdongopnamne. Winipnyopura, ara ninye kisok arena atonun winipnamne. Allah arye tukwak ninye nirya wenebuka optu bukni, sik yok pununa ati, na dipnamne.” Yesus arye nyabuk.

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Nyaprikba, Yesus arye abitinye nang ati bico tenebukce, el taruk arye sik asing talibukce kwetebuk. Yesus arye sik asing talipdeyukba, atalak aryuk, sik asing teleb ubukura, aning-aning nirya teleb ubuka eiprikce, Yesus bisik banmokba, sik bitinye nang arye aminyan dobolbirikura, Yesus ap neika banmek.