ओउः पह्रती मुमुबालेहाङः “लौ ओउः राथ्कोः चीनःसै वाह्अ” त दाय्ह्ती फीलीप्कायः परमेस्वर्कोः ग्वालामःइ तोआथै। इत तोआक्तीको फीलीप् तन्ती ओउः राथ् क्रुस्लाङ् दाह्ती ओउः एथीयोपीयाकोः मन्तरीइपाय् परमेस्वर्कोः कुरा पह्रती मुओ सायःआकान्। सायःआक्तीको “इ नाङ्इ पह्रओ कुराकोः माने चीःतेःनौया चीःतेःउलुया” त दाय्ह्ती फीलीप्इ व्हत्आथै। “इ कुराकोः माने छ्यानःओ मान्ताइ छ्यानःमाया दुक्लेःनाः” त दाय्ह्ती ओउः मन्तरी त्याङ्आ। “लौ इ राथ्हाङः लन्ह्ती वाह्साकायः ङाकोः चीनःसै च्युङःअ” त तोती फीलीप्कायः गोत्आथै।