Versets bíblics populars de ရောမ 2

Comparteix

ထိုသို့သော​ဆိုးယုတ်မှုများ​ကို ကိုယ်တိုင် ပြုကျင့်​လျက်နှင့်ပင် ထိုသို့​ပြုကျင့်သည့်​တစ်ပါးသူ​ကို အပြစ်တင်သော​သင်​သည် ဘုရားသခင်​၏ စီရင်တော်မူခြင်း​နှင့် ကင်းလွတ်မည်​ဟု ထင်သလော။ သို့မဟုတ် ဘုရားသခင်​၏ ကြင်နာခြင်း​သည် သင့်​ကို နောင်တရ​စေရန်​ဖြစ်သည်​ကို နားမလည်ဘဲ ကိုယ်တော်​၏ ကြွယ်ဝသော​ကျေးဇူးပြုခြင်း၊ စိတ်ရှည်ခြင်း​နှင့် သည်းခံခြင်းတို့​ကို သင်​သည် မထီမဲ့မြင်​ပြုသလော။

ထို့ကြောင့် သူတစ်ပါး​ကို အပြစ်​စီရင်တတ်သောသူ… သင်​သည် မိမိ​၌​အပြစ်​မရှိ​ဟု ဆင်ခြေ​ပေး​၍ မရ။ အဘယ်ကြောင့်ဆိုသော် သင်​သည်လည်း ထို​ဆိုးယုတ်မှုများ​ကို ကိုယ်တိုင် ကျူးလွန်နေသူ​ဖြစ်သောကြောင့် သူတစ်ပါး​ကို အပြစ်တင်​လျှင် သင့်ကိုယ်သင်​အပြစ်တင်ရာ​ရောက်၏။

အဘယ်ကြောင့်ဆိုသော် ဘုရားသခင်​သည် မျက်နှာလိုက်​တော်မမူ​သောကြောင့် ဖြစ်၏။

အဘယ်ကြောင့်ဆိုသော် ပညတ်တရား​ကို ကြားနာ​ရုံမျှ​ကြားနာသောသူ​သည် ဘုရားသခင်​ရှေ့တော်​၌ မဖြောင့်မတ်ဘဲ ပညတ်တရား​ကို လိုက်နာ​ကျင့်သုံးသောသူ​သာလျှင် ဖြောင့်မတ်​သောကြောင့်​ဖြစ်၏။

ဘုရားသခင်​သည် လူ​အသီးသီးတို့​အား မိမိတို့​၏ အကျင့်​နှင့်​အညီ အကျိုးအပြစ်​ကို စီရင်တော်မူ​လိမ့်မည်။

သို့သော် မိမိတို့​ကိုယ်ကျိုး​အတွက်​သာ အသက်ရှင်​၍ သမ္မာတရား​ကို မလိုက်နာဘဲ ဆိုးယုတ်​စွာ အသက်ရှင်သော​သူတို့​အပေါ် ဘုရားသခင်​သည် မိမိ​၏ ဒေါသ​နှင့်​အမျက်​ကို ကျရောက်စေတော်မူ​လိမ့်မည်။

ထိုသို့ သင်​သည် ခေါင်းမာ​၍ နောင်တရသော​စိတ်​မရှိ။ ထို့ကြောင့် ဘုရားသခင်​၏ ဖြောင့်မတ်သော တရားစီရင်ခြင်း ထင်ရှားလာမည့်​အချိန်​ဖြစ်သည့် အမျက်တော်​နေ့​တွင် ပို၍​ကြီးလေးသော​ပြစ်ဒဏ်​ကို သင်​ခံရ​လိမ့်မည်။