Versets bíblics populars de ရောမ 10

Comparteix

သင်​သည် ယေရှု​ကို အရှင်သခင်​ဖြစ်ကြောင်း နှုတ်​ဖြင့် ဝန်ခံ​၍ ဘုရားသခင်​သည် ထို​အရှင်​ကို သေခြင်း​မှ ထမြောက်စေတော်မူကြောင်း​ကို စိတ်နှလုံး​ထဲ၌ ယုံကြည်​လျှင် ကယ်တင်ခြင်း​ခံရ​လိမ့်မည်။

အဘယ်ကြောင့်ဆိုသော် လူ​သည် စိတ်နှလုံး​ဖြင့် ယုံကြည်​၍ ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်ခံရပြီး နှုတ်​ဖြင့် ဝန်ခံ​၍ ကယ်တင်ခြင်း​ခံရ​သောကြောင့် ဖြစ်၏။

ထို့ကြောင့် ယုံကြည်ခြင်း​သည် သတင်းကောင်း​ဟူသော ခရစ်တော်​၏ အကြောင်း​ကို ကြားနာခြင်း​မှ ဖြစ်လာ၏။

ကျမ်းစာ​ကလည်း “ထို​အရှင်​ကို ယုံကြည်သောသူ​သည် အရှက်ရ​လိမ့်မည်​မဟုတ်” ဟု ဆိုထား၏။ ဂျူးလူမျိုး၊ ဂရိလူမျိုး​ဟူ၍ ခွဲခြားခြင်း​မရှိ။ သူတို့​၌ သခင်​တစ်ပါးတည်း ရှိ​၍ ထို​သခင်​ထံ ဆုတောင်းသော​သူတို့​အား ရက်ရော​စွာ ပေးသနားတော်မူ၏။ အဘယ်ကြောင့်ဆိုသော် ကျမ်းစာ​၌ “ထာဝရဘုရား​၏ အမည်​နာမ​ကို အမှီပြု​၍ ဆုတောင်းသော​သူ​အပေါင်းတို့​သည် ကယ်တင်ခြင်း​ခံရ​လိမ့်မည်” ဟု ဖော်ပြထား​သောကြောင့် ဖြစ်၏။

ဟောပြော​ရန် စေလွှတ်ခြင်း မခံရ​လျှင် မည်သို့ ဟောပြော​နိုင်မည်နည်း။ ကျမ်းစာ​၌ “သတင်းကောင်း​ကို ယူဆောင်လာသော​သူတို့​၏ ခြေတို့​သည် အလွန်​တင့်တယ်ပေ၏” ဟု ရေးသားထား၏။

သို့သော် ထို​အရှင်​ကို မယုံကြည်​လျှင် ထို​အရှင်​ထံ မည်သို့ ဆုတောင်း​နိုင်မည်နည်း။ ထို​အရှင်​၏ အကြောင်း​ကို မကြားဖူး​လျှင် ထို​အရှင်​ကို မည်သို့ ယုံကြည်​နိုင်မည်နည်း။ ဟောပြောသော​သူ မရှိ​လျှင် မည်သို့ ကြား​နိုင်မည်နည်း။

ခရစ်တော်​သည် ပညတ်တရား​ကို အဆုံးသတ်​စေတော်မူပြီ​ဖြစ်​သောကြောင့် ယုံကြည်သော​သူတို့​သည် ဖြောင့်မတ်သည်​ဟု သတ်မှတ်ခြင်း​ခံရကြ၏။