Versets bíblics populars de မာကု 14

Comparteix

ထို့နောက် ရှေ့​သို့ အနည်းငယ် ကြွသွား​၍ မြေ​ပေါ်​တွင် ပျပ်ဝပ်တော်မူ​ပြီးလျှင် “အို အဖ​ခမည်းတော်… ကိုယ်တော်​သည် အရာခပ်သိမ်း​ကို တတ်နိုင်တော်မူ၏။ ဤ​ခွက်​ကို အကျွန်ုပ်​ထံမှ ဖယ်ရှားပေးတော်မူပါ။ သို့သော်လည်း အကျွန်ုပ်​၏ အလိုဆန္ဒ​အရ မဟုတ်ဘဲ ကိုယ်တော်​၏ အလိုတော်​အတိုင်းသာ​ဖြစ်စေတော်မူပါ” ဟု မိမိ​ရင်ဆိုင်ရမည့် ကြောက်မက်ဖွယ်​အချိန်နာရီ​ကို ဖြစ်နိုင်​လျှင် လွန်သွား​စေတော်မူ​ရန်အတွက် ဆုတောင်းတော်မူ၏။

ဖြားယောင်း​သွေးဆောင်ခြင်း​ထဲသို့ လိုက်ပါမသွား​စေရန် သတိ​နှင့် စောင့်နေ​လျက် ဆုတောင်းကြလော့။ စိတ်ဝိညာဉ်​သည် ဆန္ဒရှိ​သော်လည်း ကိုယ်ခန္ဓာ​မှာမူ အားနည်း၏” ဟု မိန့်တော်မူ၏။

သင်တို့​အား ငါ​အမှန်​ဆို၏။ သတင်းကောင်း​ကို ကြေညာသည့် ကမ္ဘာ​တစ်ဝန်းလုံး​တွင် ဤ​အမျိုးသမီး​၏ လုပ်ဆောင်ချက်​ကိုလည်း အစဉ်​အောက်မေ့သတိရ​၍ ပြောဆိုကြ​လိမ့်မည်” ဟု မိန့်တော်မူ၏။

တပည့်တော်တို့​အား “ငါ​၏​စိတ်ဝိညာဉ်​သည် သေလုမတတ်​ဝမ်းနည်း​လျက်​ရှိ၏။ ဤ​နေရာ​တွင် နေ​၍ သတိ​နှင့် စောင့်နေကြလော့” ဟု မိန့်တော်မူ၏။

ထို့နောက် သူတို့​သည် အစာသုံးဆောင်​လျက် နေကြ​စဉ် ယေရှု​သည် မုန့်​ကို​ယူ​၍ ဘုရားသခင်​၏ ကျေးဇူးတော်​ကို ချီးမွမ်းတော်မူ၏။ မုန့်​ကို​ဖဲ့​၍ တပည့်တော်တို့​အား ပေးတော်မူ​လျက် “ယူ​၍ စားကြလော့။ ဤ​မုန့်​သည် ငါ​၏​ကိုယ်ခန္ဓာ​ဖြစ်၏” ဟု မိန့်တော်မူ၏။

စပျစ်ရည်ခွက်​ကိုလည်း ယူ​၍ ကျေးဇူးတော်​ကို ချီးမွမ်း​ပြီးနောက် တပည့်တော်တို့​အား ပေးတော်မူ​လျှင် သူတို့​အားလုံး​သည် သောက်ကြ၏။ ယေရှု​က “ဤ​စပျစ်ရည်​သည် လူများစွာတို့​အတွက် သွန်းလောင်းသော ငါ​၏​သွေး​ကို ပုံဆောင်၏။ ငါ​၏​သွေး​သည် ဘုရားသခင်​နှင့် လူများ​အကြား ဖွဲ့သော ပဋိညာဉ်​သစ်​ကို သက်သေပြု၏။

ထိုအခါ လမ်း​၌ ယေရှု​က “ကျမ်းစာ​တွင် ‘ငါ​သည် သိုးထိန်း​ကို ရိုက်တော်မူ​သဖြင့် သိုးတို့​သည် ကွဲလွင့်သွားကြရမည်’ ဟု ရေးထားသည့်​အတိုင်း သင်တို့​သည် ငါ့​ကို စွန့်ခွာသွားကြ​လိမ့်မည်။

ထကြ။ သွားကြစို့။ ငါ့​ကို သစ္စာဖောက်အပ်နှံမည့်​သူ ရောက်နေပြီ” ဟု မိန့်တော်မူ၏။

ယေရှု​က “သင့်​အား ငါ​အမှန်​ဆို၏။ ယနေ့​ည​၌ပင် ကြက်​နှစ်ကြိမ်​မတွန်မီ သင်​သည် ငါ့​ကို သုံးကြိမ်​တိုင်တိုင် ငြင်းဆို​လိမ့်မည်” ဟု မိန့်တော်မူ၏။