Versets bíblics populars de တမန်တော် 2

Comparteix

ပေတရု​က “သင်တို့​အပြစ်များ​ကို ခွင့်လွှတ်ခြင်း​ခံရ​ရန် နောင်တရ​လျက် ယေရှု​ခရစ်တော်​၏​အမည်​နာမ​၌ သင်တို့​အားလုံး နှစ်ခြင်းမင်္ဂလာ​ခံယူကြလော့။ ထိုသို့​ပြုလျှင် သင်တို့​သည် သန့်ရှင်းသော​ဝိညာဉ်တော်​တည်းဟူသော လက်ဆောင်​ကို လက်ခံရရှိ​လိမ့်မည်။

ထို​ယုံကြည်သူများ​သည် တမန်တော်တို့​၏ သွန်သင်မှု​ကို​ခံယူခြင်း၊ မိတ်သဟာယဖွဲ့ခြင်း၊ မုန့်​ကို​ဖဲ့ခြင်း​နှင့် ဆုတောင်းခြင်း​တို့​ကို အမြဲ​ဆောင်ရွက်ကြ၏။

ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

ထိုအခါ ပြင်းထန်သော​လေပြင်းမုန်တိုင်း​ကဲ့သို့ အသံ​သည် ကောင်းကင်​မှ ရုတ်တရက်​ထွက်ပေါ်လာ​၍ သူတို့​ထိုင်နေသော​အိမ်​ကို ဖုံးလွှမ်းလေ၏။ မီးလျှံ​နှင့်​တူသော လျှာများ​သည် ပေါ်လာ​၍ အဖြာဖြာ​ကွဲထွက်​ကာ သူတို့​တစ်ဦးချင်းစီ​အပေါ်​၌ တည်နေကြ၏။ ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

ထို​သူတို့​သည် နေ့စဉ် ဗိမာန်တော်​၌ အတူတကွ ဝတ်ပြုကိုးကွယ်ခြင်း၊ အိမ်များ​၌ မုန့်​ကို​ဖဲ့ခြင်း၊ ဝမ်းမြောက်သော​စိတ်​နှင့် ရက်ရောသော​စိတ်တို့​ဖြင့် မိမိတို့​၏​အစာ​ကို စားသုံးကြခြင်း စသည်တို့​ကို​ပြုလုပ်ကြ၏။ ဘုရားသခင်​ကို ချီးမွမ်း​၍ လူအပေါင်းတို့​၏​ရှေ့တွင် မျက်နှာရကြ၏။ သခင်ဘုရား​သည် ကယ်တင်ခြင်း​ခံရသော​သူတို့​၏​အရေအတွက်​ကို နေ့စဉ်​နှင့်အမျှ တိုးပွားစေတော်မူ၏။

‘ဘုရားသခင်​က “နောက်ဆုံးသော​နေ့ရက်များ​၌ ငါ​၏​ဝိညာဉ်တော်​ကို လူ​အပေါင်းတို့​အပေါ် သွန်းလောင်း​၍ သင်တို့​၏​သားသမီးတို့​သည် ပရောဖက်ပြု​ဟောပြောကြ​လိမ့်မည်။ အသက်ငယ်သော​သူတို့​သည် ရူပါရုံ​ကို မြင်​၍ အသက်ကြီးသော​သူတို့​သည် အိပ်မက်များ​ကို မက်ကြ​လိမ့်မည်။

ယုံကြည်သူ​အပေါင်းတို့​သည် တစ်စုတစ်ဝေးတည်း​နေ​လျက် မိမိတို့​ပိုင်ဆိုင်​သမျှ​ကို အချင်းချင်း​ဝေမျှ​သုံးစွဲကြ၏။ သူတို့​သည် မိမိတို့​ပိုင်ဆိုင်သော​ဥစ္စာပစ္စည်းတို့​ကို ရောင်းချ​၍ ရရှိသော​အကျိုးအမြတ်များ​ကို လိုအပ်နေသော​သူ​အပေါင်းတို့​အား ဝေငှပေးကမ်းကြ၏။

သို့ရာတွင် ထာဝရဘုရား​၏​အမည်​နာမ​ကို အမှီပြု​၍ ဆုတောင်းသော​သူ​အပေါင်းတို့​သည် ကယ်တင်ခြင်း​ခံရ​လိမ့်မည်” ဟု မိန့်တော်မူ၏’ ဟူ၍ ဖြစ်၏။

ထာဝရဘုရား​၏​ကြီးမြတ်တော်မူသော​နေ့​မတိုင်မီ နေ​သည် အမှောင်ထု​အဖြစ်​သို့​လည်းကောင်း၊ လ​သည်လည်း သွေး​ကဲ့သို့​လည်းကောင်း ပြောင်းလဲ​လိမ့်မည်။