Versets bíblics populars de Luka 9

Comparteix

Wathi kubo bonke: “Uma umuntu ethanda ukungilandela, makazidele, athabathe isiphambano sakhe imihla ngemihla, angilandele.

Ngokuba yilowo nalowo othanda ukusindisa ukuphila kwakhe uyakulahlekelwa yikho, kepha olahlekelwa ngukuphila kwakhe ngenxa yami uyakukusindisa.

UJesu wathi kuye: “Akakho othi esebeké isandla sakhe egejeni, abuke emuva, ofanele umbuso kaNkulunkulu.

Ngokuba kuyakumsizani umuntu, uma ezuza izwe lonke, kodwa ezilahlekele noma alahlwe?

Ngokuba yilowo nalowo onamahloni ngami nangamazwi ami, iNdodana yomuntu iyakuba namahloni ngaye, lapho iza ngenkazimulo yayo, nekaYise, neyezingelosi ezingcwele.

UJesu wathi kuye: “Izimpungushe zinemigodi, nezinyoni zezulu zinezidleke; kodwa iNdodana yomuntu kayilalapho engaqamelisa khona ikhanda.

Wathi kubo: “Yilowo nalowo owamukela lo mntwana egameni lami uyangamukela mina