Versets bíblics populars de I Korentyen Yo 15

Comparteix

Pou sa, byeneme frè m yo, rete fidèl, san varye, toujou ranpli avèk bon zèv Senyè a, avèk konesans ke travay nou nan Senyè a pa anven.

Men gras a Bondye, ki bannou viktwa atravè Senyè nou an, Jésus Kri.

Pa twonpe tèt nou: “Move zanmi gate bon prensip.”

Men, pa gras Bondye, mwen sa ke mwen ye a, e gras Li anvè mwen pa anven, men mwen te travay menm plis pase yo tout, malgre se pa t mwen, men gras a Bondye ki te avè m nan.

“O lanmò, kote viktwa ou? O lanmò, kote doulè pikan an?” Doulè pikan lanmò a se peche, e pouvwa a peche a se Lalwa a.

Gade byen, m ap di nou yon mistè. Se pa nou tout ki va mouri, men nou tout va chanje, nan yon moman, nan yon ti bat zye, nan dènye twonpèt la. Paske twonpèt la va sone, mò yo va vin leve enperisab, e nou tout va vin chanje.

Paske si se pa yon sèl moun, lanmò te vini, pa yon moun osi, rezirèksyon mò yo te vini. Paske tankou nan Adam tout moun te mouri an, menm jan an tou nan Kris tout moun va gen lavi.

Paske perisab la dwe abiye avèk enperisab la, e mòtèl sa a dwe abiye avèk imòtalite.

Paske fòk li renye jiskaske Li mete tout lènmi Li yo anba pye Li. Dènye lènmi ki va aboli a se lanmò.