Versets bíblics populars de Peluarakoa 10

Comparteix

Mepau iramo i UE ndi Musa, ”Lakomo pe'aro ndi Pirao, nde Kupokomoteaomo aroano ka aroado pegawaino, nde Aku mopokitao petondoni kinohali-haliako ndi ondae, ka omue tumutuluako ira ana uemu, kana'umpe kupemae-maeako ira to Masiri ka petondoni hapa anu kinohali-haliako Kupopokitaako ira ndi ondae, nde ka imento'orio koa, nine Ongkuemo UE.”

Mepau Iramo i UE ndi Musa, ”Tandeomo kaemu kontahane i langi, kai gagi worikidi tumutuwio wita Masiri, gaagi worikidi atuu tedoa dompemarasaio.” Onaemo ka itandeo i Musa kaeno kontahane i langi, ka gagiomo worikidi tumutuwio wita Masiri otolu oleo tehineno. Mia nami dontepokita ka i larono otolu oleo, nahina mia anu meluarako inso a mpo'iangaano, hangano worikidi. Sine a mpo'iangado to Isaraeli, mewine.

Onaemo kai tandeo i Musa tukono a wawo wita Masiri, ka Ondae i UE mompotii umangi anu mepuuri inso i sabaano oleo telalo i wita atuu, asa oleo ka asa wongi, ka umpeda meene umangi atuu mowawaomo kosume. Mehawe iramo kosume tedoa hadio buketio luwuno wita Masiri. Se'eluno napi hori hina kosume anu kanandio hadiono ka umarino andio nahi ta hori hina mbo'u anu kanantuu.