Versets bíblics populars de Winali 30

Comparteix

Aku moboio langi ka tolino gagi sakosii ndi omiu oleo andio: Kupo'aroakomu tuwua ka matea, ronso ka totonaa. Binikiomo tuwua, ka imentuwumoiko omiu maupo inulemu, pehohawa Ira i UE, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i UE saru sumpa ndi Burahima, i Saki ka i Yako uempu'umu anu wineeako ndi ondae.

Hangano ia oleo andio kuparentaakomu ka upehohawa Ira i UE, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i UE, Ue Alamu i wita ba isua impewinso mpetorokio.

Kitaomo, aku mopo'aroaakomu ia oleo andio, tuwua ka manangaia, matea ka masolaa.

Sine pau andio umpeda ntu'u ndi omue, ilaro ngangamu ka ilaro aroamu kau weweuo

Ondae i UE, Ue Alamu Ira balio aroamu ka aroado inulemu, ranta kai mpehohawa Ira i UE, Ue Alamu tompaano aroamu ka tompaano tinuwumu, kai mentuwu.

Ondae i UE, Ue Alamu Ira mokohadioo moikoa a luwuno inanggano kaemu, wua mpe'anakaamu, hasilino pinotuwumu, ka hasilino witamu. Hangano Ondae i UE, Ira wali mawongko hangano omiu a laro manangaiamu kana mawongkodo uempu'umu ndi'ipua

Sine, tewala aroamu mepokule ka nahi mporonge, tendeano komiu mepinokontesaa ka impenggolontu mpelangkaio pinesombai susua, ka mpesomba ndi onae, ka kupauakomu nine oleo andio manasa komiu memasola. Nahi ta melai tinuwumiu i wita anu komiu mpentorokio umarino imensakio koro Yarade.

Menteeano parenta anu kupohaweakomu ia oleo andio, nahi upemotungkoo lahi, ka nahi olai lahi.

Komba i langi po'iangano, ka impotae, ”Isemake anu ta mewuatako i langi lumako umalaakita, ka moporongea kita ka tomeweweuo?”

Komba mbo'u i asatowano tahi po'iangaano, ranta ka impotae, ”Isemake anu ta sumakio tahi lumako umalaakita ka moporongeakita ka tomeweweuo?”