Versets bíblics populars de Winali 28

Comparteix

Tewala mentee ntu'u imperorongeakono pau-Do i UE, Ue Alamiu, ka mpetenunu meweweuo luwuno parenta-Do anu kupohaweakomiu a oleo andio, manasa Ondae i UE, Ue Alamiu, Ira tumande komiu i wawono luwuno tongku i tolino.

Luwuno ronso andio ta hawe ndi omiu ka ta gagi tiamiu, tewala imperorongeakono pau-Do i UE, Ue Alamiu.

Ondae i UE Ira tumande komiu gagi ulu ka komba iki, komiukoa mpewuatako mpiha ka komba mpetii, tewala imperorongeakono parenta-Do i UE, Ue Alamiu, anu kupohaweo ndi omiu a oleo andio, kai mpetenunu meweweuo.

Ondae i UE Ira umungkahiakomiu langi, ponaapa-Do anu hadio ntu'u, Ira mompotii usa a witamiu ka rumonsoo luwuno inanggamiu, komiu mpoweeako ira mponsabo a hadio tongku, sine omiu nahi komiu mpo'ema ponsabo.

Ondae i UE Ira weweuo iwali anu aiwa sumapoi komiu tenangi i aromiu. Asa nsala insoado mpeluarako sumapoi komiu, sine opitu nsala ira mpolai inso i aromiu.

Ondae i UE Ira parentao poronso-Do i wawomiu ia nsi'emiu ka i luwuno inangano kaemiu. Ira rumonso komiu i wita anu Doweeakomiu i UE, Ue Alamiu.

Rinonso komiumo tempono impewinso ka impeluarako.

Rinonso komiumo i kota ka rinonso komiumo i lere.

Rinonsoomo pe'anakaamiu, hasilino witamiu ka hasilino pinotuwumiu, onaemo ana nsapimiu ka pe'anaado asa bawaa bembe bimbamiu.

Ondae i UE Ira pakosi komiu gagi bawaa-Do anu mempori, kana anu dinandi-Do saru sumpa ndi omiu, tewala mpe'ini komiu a parenta-Do i UE, Ue Alamiu, ka mentuwu montonda sala anu tiniso-Do.

Rinonsoomo bakimiu ka ponsaloamiu tarigu.

Ondae mbo'u i UE Ira mokohadioo ntu'u moikoa a laro mpe'anakaamiu, hasilino pinotuwumiu ka hasilino witamiu, i wita anu dinandi-Do i UE saru sumpa ndi ondae uempu'umiu Ira weeakomiu.

Manasa luwuno tongku i tolino ira mengkitao, nine nee-Do i UE pinau ndi omiu, ka ira medoito ndi omiu.

Inso a luwuno parenta anu kuweeakomiu a oleo andio simepansia i koana ke i manggali, saru mpontonda pinesombai susua ka mpesomba ndi onae.

Sine tewala nahi mperorongeakono pau-Do i UE, Ue Alamiu ka nahi mpetenunu meweweuo luwuno parenta ka pompakosi-Do, anu kupohaweo ndi omiu a oleo andio, manasa luwuno pontotonaa andio ta metii ndi omiu ka ta humawe komiu